▲ Դեպի վեր

lang.iso lang.iso lang.iso

Մենք էլ մարդ ենք, նեռվայնանում ենք, ի՞նչ անենք. Սամվել Ալեքսանյանը՝ ցուցարարի հետ միջադեպի մասին

ՀՀԿ-ական պատգամավոր Սամվել Ալեքսանյանը «Ազատության» հետ զրույցում ասել է, որ ինքը չի հարվածել ցուցարարին, այլ խփել է մեքենային՝ պահանջել տեղ բացել Շտապօգնության մեքենայի համար:

«Հետևներից շտապօգնության մեքենա էր կանգնած, մեջն էլ մարդ կար: Ես էդ տղային ասեցի բացեք, որ անցնենք, էդ շտապօգնության մեջ հիվանդ կար: Ասում էինք՝ մեռնումա մեջը, բայց ինքն էլ՝ ասում էր՝ մեռնումա, թող մեռնի: Ընդհամենն էդ մաշնեն հանեցինք, որ էդ շտապօգնությունը էթար հիվանդանոց», – ասել է Ալեքսանյանը:

Լրագրողի պնդմանը, որ ցուցարարները միշտ տեղ են բացում շտապօգնության մեքենայի անցման համար՝ Ալեքսանյանը հակադարձել է.

«Թող բարի լինեին լրիվ նկարեին: Իրանց ինչ պետքա էդ են նկարել: Ես չեմ ասում հարվածելը ճիշտ ա, բայց, խոսքի, էդ սիտուացիան… մենք էլ մարդ ենք նեռվայնանում ենք. ի՞նչ անենք»:

Ավելի վաղ հրապարակվել էր տեսանյութ, որտեղ Մալաթիա-Սեբաստիա համայնքում Ալեքսանյանը ոտքերով հարվածել է ցուցարար քաղաքացուն։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին