Վանաձորում տեղի ունեցող հանրահավաքի ժամանակ, Նիկոլ Փաշինյանը հայտարարեց, որ ՀՀԿ խմբակցությունը հայտարարել է, որ վարչապետի թեկնածու չի առաջադրելու:
«Սա վատ չէ, լավ էլ չէ, որպեսզի լավ լինի, ՀՀԿ-ն, կարծում եմ, որ ճիշտ կլինի, որ հայտարարի, որ այլ խմբակցությունների հետ համատեղ վարչապետի թեկնածու է առաջադրելու ժողովրդի թեկնածուին: Ես պատրաստակամ եմ հանդիպել «Հանրապետական» խմբակցության բոլոր պատգամավորների հետ, որպեսզի հավաստիացնեմ, որ այս պրոցեսով, երբ մենք ասում ենք՝ փակում ենք ներհայաստանյան ատելության էջը, մենք ասում ենք ամենայն լրջությամբ, և եթե նրանք անեն իրենց քայլը, նրանք դրանով կդառնան այդ պատմական նվաճման համահեղինակներ և ուզում եմ ևս մեկ անգամ ասել` հույս ունել, որ այլ քաղաքական ուժերը, գործիչները չեն փորձի անգամ փորձել գողանալ ժողովրդի հաղթանակը, որովհետև դա կբերի քաղաքական գործիչների դուրսմղմանը Հայաստանի քաղաքական դաշտից»,-ասաց Փաշինյանը:
Հիշեցնենք, որ իշխող Հանրապետական կուսակցության խոսնակ Էդուարդ Շարմազանովը քիչ առաջ ավարտված ճեպազրույցում հայտարարել է, որ իրենց կուսակցությունը չի պատրաստվում վարչապետի թեկնածու առաջադրել մայիսի 1-ին կայանալիք ընտրություններին։
Տեսանյութը՝ Նիկոլ Փաշինյանի ֆեյսբուքյան էջից
