Սփյուռքի նախարար Մխիթար Հայրապետյանը ֆեյսբուքյան իր էջում գրառում է կատարել՝ հայտարարելով Սփյուռքի նախարարության տարբերանշանի (լոգո) բաց մրցույթ.
«Սիրելի հայրենակիցներ, մեր նոր թիմը որոշել է այլևս չօգտվել հին տարբերանշանի «ծառայություններից» :
Սփյուռքի նախարարությունը հայտարարում է լոգոյի բաց մրցույթ, որին կարող են մասնակցել բոլոր ցանկացողները: Մրցույթն անցկացվում է կամավորական սկզբունքով, իսկ որպես շնորհակալություն՝ հաղթողին մենք կհյուրընկալենք նախարարության իմ աշխատասենյակում՝ մեկ գավաթ թեյ ըմպելու:
Հավատում եմ, որ կան ստեղծարար մտածողություն ունեցող բազմաթիվ էնտուզիաստներ, որոնք պատրաստ են իրենց լուման ներդնել այս գործում:
Տարբերանշանի ձեր տարբերակը մինչև հունիսի 10-ը կարող եք տեղադրել սույն գրառման մեկնաբանությունների հատվածում:
Շնորհակալություն, գրկում եմ, սպասում եմ»:
