Հունիսի 13-ին Նյու Յորքում ՄԱԿ-ի Գլխավոր ասամբլեայի 72-րդ նստաշրջանի լիագումար նիստի ընթացքում կայացած ընտրությունների արդյունքում Հայաստանը երեք տարի ժամկետով ընտրվեց ՄԱԿ-ի Տնտեսական և Սոցիալական խորհրդի (ECOSOC) անդամ։
Այս մասին թվիթերյան իր էջում գրել է ՀՀ արտաքին գործերի նախարար Զոհրաբ Մնացականյանը:
Միավորված ազգերի կազմակերպության տնտեսական և սոցիալական խորհուրդը ՄԱԿ-ի վեց հիմնական մարմիններից մեկն է,
որը պատասխանատու է տնտեսական, հասարակական հարցերի ՄԱԿ-ի 15 մասնագիտացված գործակալությունների աշխատանքի համակարգման համար:
Կառույցն ունի 54 անդամ, որի 18 անդամն ամեն տարի ընտրվում է Գլխավոր Վեհաժողովի կողմից:
Հայաստանը Տնտեսական և սոցիալական խորհրդի անդամ է ընտրվում երկրորդ անդամ (առաջին անգամ՝ 2004-06 թթ.)՝ վերահաստատելով կայուն զարգացմանն ուղղված միջազգային ջանքերին աջակցելու և Խորհրդի աշխատանքներին ազգային ներդրումը բերելու հանձնառությունը։