Այսօր կառավարությունն արտահերթ նիստ է հրավիրել:
Կառավարությունը ներկայացնելու է օրենսդրական փոփոխության նախագիծ, որը կապ ունի Մանվել Գրիգորյանին ազատությունից զրկելու հետ:
Փոփոխության նպատակն այն է, որ Մանվել Գրիգորյանի նկատմամբ քրեական հետապնդում հայտարարվի մինչ սեպտեմբեր, քանի որ ըստ ներկայումս գործող օրենքի, մինչև սեպտեմբերի 10-ը` Ազգային ժողովի հաջորդ նիստի օրը, նրա նկատմամբ չեն կարող հետապնդում հայտարարել:
Հիշեցնենք, որ ՀՀԿ-ական պատգամավոր, գեներալ Մանվել Գրիգորյանը ձերբակալվել է ամառանոցում ապօրինի զենք, ռազմամթերք հայտնաբերելու փաստի առթիվ հարուցված քրեական գործի շրջանակներում:
Պարզվում է, որ Մանվել Գրիգորյանը կասկածվում է նաեւ ապրիլյան պատերազմի օրերին դպրոցականների կողմից զինծառայողների համար ուղարկված օգնությունը յուրացնելու համար: Այնուհետեւ այդ ամենը հաստատող հաղորդագրություն եւ տեսանյութ էր տարածել ԱԱԾ-ն։
Նշենք նաև, որ այսօր Մանվել Գրիգորյանի պաշտպան Հրանտ Անանյանը հրաժարվել է գեներալի պաշտպանությունից:
