«Ես չէի պատկերացնում, որ մեր երկրում կարող է այդպիսի բան լինել»,-այսօր լրագրողների հետ զրույցում ասաց ՀԱԿ փոխնախագահ Արամ Մանուկյանը՝ անդրադառնալով Մանվել Գրիգորյանի վերաբերյալ ԱԱԾ բացահայտումներին:
Արամ Մանուկյանի խոսքով՝ ԱԱԾ բացահայտումներից հետո ծանր սթրես է ապրել և գիշերը չի կարողացել քնել, սակայն ասելիք ունի ԱԺ պատգամավոր Սեյրան Սարոյանին.
«Սեյրան ջան, դու հիմա չգիտե՞ս, ովքեր են թալանել մեր բանակը»:
Միաժամանակ, Արամ Մանուկյանը նշեց, որ բոլորը պետք է աջակցեն նոր կառավարությանը, իսկ խնդիրների լուծման համար հարկավոր է ժամանակ տալ իշխանություններին:
Ըստ Արամ Մանուկյանի՝ նոր կառավարությունը բազմաթիվ վտանգների կհանդիպի.
«Դիմացը կանգնած է ոչ թե քաղաքական ուժ, այլ քրեական կապերում ինչ- որ խումբ, որոնք խելքից դուրս փող ունեն»:
Արամ Մանուկյանը նշեց նաև, որ պահանջ ունի լրագրողներից.
«Ձեզնից պահանջում եմ, որ հանրապետականի կողքին ընդդիմադիր բառը չկիրառեք, գողը չի կարող ընդդիմադիր լինել»:
Հիշեցնենք, որ ՀՀԿ-ական պատգամավոր. Գեներալ Մանվել Գրիգորյանը ձերբակալվել է ամառանոցում ապօրինի զենք, ռազմամթերք հայտնաբերելու փաստի առթիվ հարուցված քրեական գործի շրջանակներում:
Պարզվում է, որ Մանվել Գրիգորյանը կասկածվում է նաեւ ապրիլյան պատերազմի օրերին դպրոցականների կողմից զինծառայողների համար ուղարկված օգնությունը յուրացնելու համար: Այնուհետեւ այդ ամենը հաստատող հաղորդագրություն եւ տեսանյութ էր տարածել ԱԱԾ-ն։
Նշենք նաև, որ այսօր Մանվել Գրիգորյանի պաշտպան Հրանտ Անանյանը հրաժարվել է գեներալի պաշտպանությունից:
Կարդացեք նաև` ԱԱԾ. Առաջնագծի զինվորներին ուղարկված օգնությունը արկղերով Մանվել Գրիգորյանի առանձնատանն էին
Ներիր մեզ, իմ քաջ զինվոր... Նիկոլ Փաշինյան
Աշակերտուհին չէր կարող ենթադրել, որ քաջ զինվորին գրած իր այս նամակը հասնելու է «քաջ գեներալին»
Պետական վերահսկողական ծառայությունը ստուգումներ է սկսելու ՊՆ-ում. Դավիթ Սանասարյան