ԱԺ նիստն այսօր սկսվել է ծափերով: Արա Բաբլոյանը շնորհավորել է ԱԺ քարտուղարության պետ Թաթուլ Սողոմոնյանի ծնունդն ու նվիրել անվանական ժամացույց:
Այսօր քննարկվել է «Կուտակային կենսաթոշակների մասին» ՀՀ օրենքում լրացումներ կատարելու մասին օրենքի նախագծի 2-րդ ընթերցման և ամբողջությամբ ընդունելու մասին հարցը:
ՀՀ ԱԺ «Ելք» խմբակցության պատգամավոր Էդմոն Մարուքյանը դիմել է ՀՀԿ պատգամավոր Հակոբ Հակոբյանին.
«Երբ այս հարցը քննարկվում էր, պարոն Հակոբյանն այստեղից տվեց իմ անունը՝ ասելով, որ հանձնաժողովի նիստի ժամանակ ձեռնպահ ենք քվեարկում, այստեղ էլ ասում եք կողմ եք քվեարկելու: Մենք այդ հանձնաժողովում անգամ մարդ չունենք: Մեր գործընկերոջը հորդորում ենք ապատեղեկատվություն չտարածել»:
ԱԺ առողջապահության և սոցիալական հարցերի մշտական հանձնաժողովի նախագահ Հակոբ Հակոբյանը նշել է, որ ինքն Էդմոն Մարուքյանին նկատի չի ունեցել:
«Ես ոչ կարտոշկի անուն եմ տվել, ոչ էլ մսի անուն եմ տվել: Հարգելի ժողովուրդ, եթե նման բան արած լինեի, ներողություն կխնդրեի, մինչ այս էլ չեմ անդրադարձել, որովհետև նման բան չեմ ասել»:
