Հանրային առողջության մասնագետ Արման Խարազյանը ֆեյսբուքյան իր էջում գրում է.
«Վերանայեք «Ինգո Արմենիա» ըկերության հետ կնքված Ձեր տրանսպորտային միջոցի ապահովագրության պայմանագրերը, հետագայում խաբված չլինելու համար:
Շուրջ երեք տարի լինելով «Ինգո Արմենիա» ընկերության հաճախորդ և ունենալով տրանսպորտային միջոցի ապահովագրության ԿԱՍԿՈ «ամենահուսալի» և ԱՊՊԱ պայմանագրերը, որոնք ներառում են հնարավոր ռիսկերի առավելագույն պաշտպանությունը՝ այսօր միայն պարզեցի, որ ընկերությունը շուրջ երեք տարի գումար է գանձել՝ փոխարենը չպարտավորվելով կատարել երկկողմ կնքված պայմանագրի դրույթները:
Ընկերության ներկայացուցիչը պարզաբանում է տվյալ անտրամաբանությունը նրանով, որ վարորդը՝ տվյալ պարագայում ես՝ չունեմ վարորդական անհրաժեշտ ստաժ, տրանսպորտային միջոցի ապահովագրության ԿԱՍԿՈ պայմանագրում նշված դրույթներից օգտվելու համար:
Իսկ հարցին, թե այդ պարագայում ինչու՞ է կնքել ընկերությունն ինձ հետ տրանսպորտային միջոցի ապահովագրության ԿԱՍԿՈ պայմանագիր՝ հաշվի առնելով իմ վարորդական ստաժը, որն ի սկզբանե չի համապատասխանել վթարի դեպքում փոխհատուցում ստանալու ընթացակարգին՝ պարզ չէ...
Ի՞նչ է ստացվում, այսինքն՝ շուրջ երեք տարի վճարում ես լուրջ գումարներ «Ինգո Արմենիա» ընկերությանը, որը գումարները գանձելուց բացի որևէ պարտավորվածություն չի կրում քո նկատմամբ:
Հարց է առաջանում՝ ընկերությունը առհասարակ բացի գումարների գանձումը, ինչպե՞ս էր պատրաստվում կատարել պայմանագրում նշված դրույթները պայմանագրի կնքման պահից սկսած …»: