Ես հասկացա, որ իմ տեղն ավագանիում չի, որովհետեւ անելիք չկա։ Ես հույս ունեի, որ քաղաքապետարանը մշակութային մեծ ծրագրեր ունի. այս մասին այսօր լրագրողների հետ զրույցում ասել է դերասան Հրանտ Թոխատյանը:
Այն հարցին՝ արդյո՞ք կփորձի նորից ավագանու անդամ դառնալ, Հրանտ Թոխատյանը պատասխանել է. «Իմաստը չեմ տեսնում: Ես գործող դերասան եմ: Այնտեղ լինելով՝ դու չես կարողանում մասնակցել ակտիվ մշակութային կյանքին, որովհետեւ կան ինչ-որ հանձնախմբեր, մարդիկ՝ իրենց մտածելակերպով, կարծրատիպերով. ես այնտեղ տեղ չունեմ: Իմ տեսակետն այնտեղ առանձնապես տեղ չուներ»։
Թոխատյանի համոզմամբ՝ ավագանու անդամ պետք է դառնան մարդիկ, որոնք պատրաստ են վարչական աշխատանք կատարել:
«Ես հասկացա, որ դա ադմինիստրատիվ աշխատանք է, ձեռք ես բարձրացնում, իջեցնում։ Այնտեղ կգնան մարդիկ, որոնք կզբաղվեն ադմինիստրատիվ գործունեությամբ»:
Կարդացեք նաև՝ Տա Աստված, որ մի օր էլ իմ քաղաքն ինձ ասի՝ Գիտե՞ս, տղա ջան, ես էլ քեզ եմ սիրում. Հրանտ Թոխատյան
