ՀՀ զինվորական կոմիսար Հենրիկ Մուրադյանը լրագրողների հետ զրույցում ասաց, որ ամառային զորակոչին ծառայության են մեկնել մի շարք պաշտոնյաների որդիներ:
Նա նշեց, որ այս զորակոչին ծառայության են մեկնել ՀՀ վարչապետի և պաշտպանության նախարարի տղաները: Բացի այդ, ըստ Հենրիկ Մուրադյանի, բանակ են զորակոչվել պաշտպանության նախարարի տեղակալ Գաբրիել Բալայանի, Վանաձորի քաղաքապետ Մամիկոն Ասլանյանի, ՊԵԿ նախկին նախագահ Վարդան Հարությունյանի որդիները։
Հարցին՝ արդյոք Նիկոլ Փաշինյանի և Դավիթ Տոնոյանի տղաները ծառայելու են մարտական հերթապահություն իրականացնող զորամասերում, զինվորական կոմիսարը նշեց, որ նրանք ծառայելու են բարդ պայմաններ ունեցող զորամասերում։