▲ Դեպի վեր

lang.iso lang.iso lang.iso

Սպիտակը բոլոր գույների համախմբվածությունն է. Արմեն Սարգսյանը հասարակությանը «սևերի ու սպիտակների» բաժանելու մասին

 

Նախագահ Արմեն Սարգսյանը այսօր՝ սեպտեմբերի 21-ին՝ լրագրողների հետ զրույցում անդրադարձել է հասարակությանը «սեւերի ու սպիտակների բաժանելու եւ իր ունեցած մտահոգությունների մասին։

Նա «սեւերի ու սպիտակների» բաժանելու մասին հարցին պատասխանել է որպես ֆիզիկոս՝ շեշտելով, որ սպիտակի համար պետք է համախմբել բոլոր մյուս գույները, այդ թվում՝ սեւը. «Սպիտակը մեկ գույն չէ, այն բոլոր գեղեցիկ գույների համախմբվածությունն է, սպիտակ չեք ունենա, եթե չհամախմբեք բոլոր գույները, նույնիսկ սեւը»։

ՀՀ նախագահը կարեւորում է ոչ միայն համախմբվածությունը, բայց նաեւ հանդուրժողականությունն ու ազատությունը. «Մեր ժողովրուրդն իր մեծագույն հաղթանակներին հասել է, երբ միավորվել է։ Մեր ազգային հաջողությունների գրավականը մեր երկրի միասնությունն է բոլոր դեպքերում, կարող է ամենառադիկալ կարծիքներն ունենանք, բայց պետք է հարգենք իրար, ունենանք այն շնորհքը, որ կոչվում է հանդուրժողականություն, այսինքն՝ հանդուրժողականություն գումարած ազատություն՝ ունենանք ազատություն արտահայտվելու եւ ունենալ լսելու մշակույթ»։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին