Հայտնի է լեգենդար շանսոնյե Շառլ Ազնավուրի հրաժեշտի երեկոյի եւ հուղարկավորության օրն ու վայրը: Մեծն շանսոնյեին հրաժեշտ կտան ուրբաթ օրը՝ հոկտեմբերի 5-ին: Այս մասին ուղիղ եթերով հայտարարեց ՀՀ վարչապետ նիկոլ Փաշինյանը:
«Ցավալի է, որ այսպիսի նախաճգնաժամային իրավիճակը համընկել է սգո օրերի հետ: Մահացել է հայ ժողովրդի մեծագույն զավակներից մեկը՝ Շառլ Ազնավուրը, եւ որքան հասկացա Ազնավուրի ցանկություններից մեկն է եղել, որպեսզի նա Ֆրանսիայում հուղարկավորվի: Ուրբաթ օրը տեղի է ունենալու նրա հրաժեշտի արարողությունը: Ես մեկնելու եմ Ֆրանսիայի մայրաքաղաք՝ մասնակցելու հրաժեշտի երեկոյին եւ հոգեհանգստին»,- ասաց վարչապետը:
Նիկոլ Փաշինյանը հայտնեց, որ Հայաստան կվերադառնա շաբաթ օրը՝ հոկտեմբերի 6-ին: