Ազատամարտիկ, «Սասնա Ծռերի» անդամ Արայիկ Խանդոյանը կհուղարկավորվի Եռաբլուր զինվորական պանթեոնում:
Այս մասին հայտնել է ՊՆ մամուլի խոսնակ Արծրուն Հովհաննիսյանը:
«Հուղարկավորությունը կլինի համապատասխան արարողակարգով»,-շեշտեց նա:
Հիշեցնենք, որ ազատամարտիկ, «Սասնա Ծռերի» անդամ Արայիկ Խանդոյանը մահացել է հոկտեմբերի 10-ին՝ գիշերը: Նաավելի հայտնի էր «Միայնակ Գայլ» մականունով: Արայիկ Խանդոյանը կալանավորվել էր 2016 թվականին՝ Ոստիկանության Էրեբունու ՊՊԾ գունդը գրավելու դեպքից հետո, իսկ օգոստոսի 17-ին դատարանի որոշմամբ ազատ էր արձակվել կալանքից: