ԿԳ նախարարի պաշտոնակատար Արայիկ Հարությունյանն իր ֆեյսբուքյան ուղիղ եթերի միջոցով հայտնել է, որ առավոտյան անակնկալ կերպով այցելել է դպրոց և մանկապարտեզ:
«Այսօր առավոտյան եղել եմ Մալաթիա- Սեբաստիա վարչական շրջանի մեկական դպրոցում և մանկապարտեզում՝ համոզվելու համար, թե ինչպիսի իրավիճակ է այստեղ՝ առաջին հերթին հիվանդությունների առումով և արձանագրել եմ, որ դպրոցում բացակաները շատ չէին: Իրավիճան այնպիսին էր, ինչպիսին ավագ դպրոցներում է լինում: Սակայն կար կարգապահության խնդիր:
Ես ուզում եմ, որ արձանագրենք, որ դպրոցների ընդհանուր ֆիզիկական վիճակը բարվոք չէ, դրանով է պայմանավորված նաև, որ անհրաժեշտ բարձր ջերմային ֆոնը չի ապահովվում դպրոցներում: Երեխաների ծնողները, մտահոգվելով համացանցում տարածված լուրերով, երեխաներին չեն բերել դպրոցներ և մանկապարտեզներ, ուսուցիչների կարծիքով՝ հետտոնական շրջանում հաճախելիության թիվը կկարգավորվի:
Կրթության նախարարության, առողջապահության նախարարության և տարածքային կառավարման նախարարության ղեկավարներն ուշադիր հետևում են իրավիճակին, և դասերի հետաձգման անհրաժեշտություն չկա այս պահին գոնե և այնպիսի ֆոն է զարգանում, որ, կարծես թե, դրա անհրաժեշտությունը չի էլ լինելու»:
Մանրամասները՝ տեսանյութում
