Պատգամավորների ու կառավարության անդամների համար կիրակին դարձել է առողջ ապրելակերպը խրախուսելու օր. այս մասին ֆեյսբուքյան իր էջում գրել է Սփյուռքի նախկին նախարար, ԱԺ «Իմ քայլը» խմբակցության պատգամավոր Մխիթար Հայրապետյանը:
«Հույս ունեմ, որ ֆուտբոլի հարուստ ավանդույթներ ունեցող մեր երկրում սրանով թեկուզև աննշան, բայց կնպաստենք սույն մարզաձևի նկատմամբ հետաքրքրության աճին»,-գրել է նա՝ հրապարակելով մի քանի լուսանկար:
Առողջապահության նախարար Արսեն Թորոսյանն էլ իր ֆեյսբուքյան էջում գրել է.
«ԱԺ թիմը այսօր պարտվեց՝ մոտ ապագայում ռևանշի ակնկալիքով
Հ.Գ. կառավարության հետ հարցուպատասխանը նկատի չունեմ
Հ.Հ.Գ. ես գոլ չեմ խփել »:
