Ադրբեջանցիներն ամեն կերպ փորձում են իրենց և չեչենների միջև տեղի ունեցած զանգվածային ծեծկռտուքի մեջ «հայկական հետք» գտնել։ Սոցիալական ցանցերում ադրբեջանցիներն ակտիվ տարածում են ծագումով վանաձորցի Գառնիկ Արամի Վարդանյանի (ծնվ. 1993թ.) և նրա՝ ՌԴ քաղաքացու անձնագրի լուսանկարները։
Մեր հայրենակցի կյանքին և առողջությանն իրական վտանգ է սպառնում։
Այս սադրանքի և ապատեղեկատվության հետևում կանգնած է հակահայկական գործունեությամբ հայտնի ադրբեջանցի «լրագրող» և իրեն «փորձագետ» հռչակած տխրահռչակ Ֆուադ Աբասովը: Գառնիկ Վարդանյանը ֆեյսբուքյան տեսաուղերձով է հանդես եկել ու հայտարարել, որ հայերն այս պատմության հետ որեւէ կապ չունեն. ադրբեջանցիները ստում եւ սադրում են: