«Այս տարի սկսում ենք Սարալանջի կանաչապատումը: Ընդամենը մեկ-երկու տարուց մեր քաղաքում ավելի քիչ փոշի ու ավելի շատ կանաչ տարածք կլինի:
Տարածքում կաթիլային ոռոգման համակարգ կանցկացվի:
Ի դեպ, վաղը Երևանում շաբաթօրյակ է։ Կոչ եմ անում բոլորով մաքրենք մեր քաղաքը»,-գրել է Երևանի քաղաքապետ Հայկ Մարությանը՝ տեսանյութ տարածելով՝ Սարալանջը՝ թռչնի թռիչքի բարձրությունից։
Նախօրեին էլ՝ Երևանի քաղաքապետի մամուլի խոսնակ Հակոբ Կարապետյանը գրել էր. «Կներեք էմոցիոնալ զեղման համար, բայց սա իմ երազանքի պրոյեկտն է: Քաղաքապետարանն այս գարուն սկսում է կանաչապատել Սարալանջի համայնքապատկան հողերը՝ Մոնումենտի բարձունքից սկսած մինչեւ Մյասնիկյան պողոտայի հատվածը (Պլանի գլուխ): Նորատունկ ծառերը ոռոգվելու են կաթիլային համակարգով»: