Մասնագիտությամբ անասնաբույժ, բայց լեռնագնացությամբ տարված երիտասարդը հաճախ էր այցելում Վայոց Ձորի տեսարժան վայրերը մենակ ու տուրիստական խմբերով, գալիս էին տեսնելու եւ վայելելու տեղի վայրերի անսպառ գեղեցկությունը: Խմբերի համար, սակայն, տարածքում գիշերակացի հնարավություն չկար, հյուրանոցներն ու հյուրատները բացակայում էին:
«Արեւի». տարիների իր ծածուկ երազանքին Գեւորգը հենց այս անունն է տվել: Համանուն գետին հարող թեք լանջին, կիրճի բարձրագագաթ ժայռին դեմ դիմաց է գտնվում հյուրանոցը, արեւը, անձրեւն ու ձյունը այստեղ միշտ հաշտ են, օրվա տարբեր ժամերին տարբեր եղանակ է:
Հյուրանոցի համար երիտասարդը գտել է լուծումներ, որոնք Հայաստանում երբեւէ չեն օգտագործվել: Երկրորդ եւ երրորդ հարկերն ամբողջությամբ կառուցված են մետաղական կոնտեյներներով, իսկ ներքին լուծումները շինարարական թափոններից են:
Հյուրանոցում հատուկ է արված, որ չլինեն հեռուստացույցներ, ինտերնետ կա, բայց այն չի բացառվում, որ անջատեն, քանի որ տեղի բնությունն ու տեսարանները, անգամ շրջակայքում մշտապես առկա բեզոարյան այծերը կորցնում են ինտենետի ու հեռուստացույցի կարեւորությունը:
Մանրամասները՝ ՀՀ կառավարության լրատվական ծառայության ներկայացրած տեսանյութում: