«ՀՀ կառավարության նախաձեռնությամբ երեկ բժիշկների կոնսիլիում էր հրավիրվել, որում ընդգրկվել էին առողջապահության նախարարության և «Գրիգոր Լուսավորիչ» ԲԿ–ի մասնագետները։ Նրանց եզրակացության մեջ ասվում է, որ առկա 30 հիվանդություններին, որի մի մասը Գրիգորյանը ձեռք է բերել կալանավորումից հետո, ևս երեքն էլ ավելացել են», – այս մասին այսօր լրագրողների հետ զրույցում ասաց Մանվել Գրիգորյանի փաստաբան Լևոն Բաղդասարյանը՝ նշելով, որ Մանվել Գրիգորյանի առողջական վիճակը վատացել է, բացասական դինամիկա է նկատվում:
Միաժամանակ, փաստաբանը չմանրամասնեց, թե ինչ հիվանդությունների մասին է խոսքը, քանի որ ըստ նրա՝ ինքն այդ իրավասությունը չունի:
Փաստաբանի խոսքով՝ գուցե ստիպված լինեն անդամահատել Գրիգորյանի վերջույթը կամ վերջույթները։
Լևոն Բաղդասարյանը մտադիր է դիմել Մարդու իրավունքների եվրոպական դատարան, եթե իշխանությունը հիմա որևէ բան չձեռնարկի։
