▲ Դեպի վեր

lang.iso lang.iso lang.iso

Ոստիկանությունը պատրաստ է կոնկրետ փաստերի դեպքում անմիջապես ստուգումներ կատարել. պարզաբանում Միհրան Դավթյանի վերաբերյալ

 

Լրատվամիջոցներում տեղեկատվություն է տարածվել, թե իբր ոստիկանության կազմակերպված հանցավորության դեմ պայքարի վարչության պետի տեղակալը սպառնում ու կաշառք է պահանջում տնտեսվարողներից:

 

 

 

 

 

 

Այս մասին հաղորդագրություն է տարածել ոստիկանությունը:

«Տեղեկատվությունը անփաստարկ է եւ չի համապատասխանում իրականությանը, չի հիմնավորվում գեթ մեկ օրինակով:

Չնայած դրան, ինչպես ցանկացած հրապարակային ահազանգի պարագայում, ոստիկանությունն այս դեպքում էլ պատրաստ է կոնկրետ փաստերի առկայության դեպքում անմիջապես ստուգումներ կատարել։ Ուստի եթե լրատվամիջոցը տնօրինում է կոնկրետ փատերի, ապա ոստիկանությունը կաշկանդված չէ եւ դրանք ներկայացնելու դեպքում համապատասխան քննություն կիրականացվի ու իրավական գնահատական կտրվի։

Իսկ մինչ այդ լրատվամիջոցներին կրկին ու կրկին կոչ ենք անում՝ զերծ մնալ պետական պաշտոնյաներին անփաստարկ մեղադրանքներ վերագրելուց, հրապարակումներ պատրաստելիս եւ հանրային հնչեղություն ունեցող հայտարարություններ անելուց առաջ համագործակցել համապատասխան կառույցների հետ եւ ձեռնպահ մնալ ընթերցողին թեական հրապարակումներով թյուրիմացություն մեջ գցելու գործելակերպից»:

Ավելի վաղ մամուլում տեղեկություններ էին տարածվել, որ ոստիկանությունում կոռուպցիոն սկանդալ է հասունանում, պատճառը գործարարների մի ստվար զանգվածի դժգոհություն է եւ բողոքը ընդդեմ 6-րդ վարչության պետի տեղակալ, կոռուպցիայի եւ տնտեսական հանցագործությունների դեմ պայքարի վարչության պետ Միհրան Դավթյանի: 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին