Դիվանագետ Արա Պապյանը կարծում է, որ Կառավարության փոփոխությունը մի քանի գործոններով է պայմանավորված.առաջինը ապրիլյան պատերազմն էր, երկրորդը՝ «Սասնա ծռեր»-ի գործողությունը.
«Սերժ Սարգսյանը նաև ընտրություններին է պատրաստվում, ընդունելի կերպարներ է բերում, ստեղծում փոփոխության պատրանք և ժամանակ է շահում՝ տեսնելու, թե ինչ է լինելու»,-Asekose.am-ի թղթակցի հետ զրույցում ասաց դիվանագետ Արա Պապյանը:
Անդարադառնալով նորանշանակ վարչապետ Կարեն Կարապետյանին՝ նկատեց.
«Գուցե Կարեն Կարապետյանը որպես մենեջեր ավելի լավը լինի, քան Հովիկ Աբրահամյանը, որովհետև նա մեծ սպեկուլյատիվ գործարք է կատարել: Իր ընկերությունը գազը մեզ 2 անգամ ավել է վաճառել: Նման մեքենայություն անգամ Օստապ Բենդերը կերազեր անել: Մենք բոլորս նրանից լավ աշխատանք պետք է ակնկալենք, քանի որ վճարելով գազի համար, նպաստել ենք նրա լավ ապրելուն»:
Խոսելով հասարակության շրջանում առկա մտահոգության մասին, այն է՝ Ռուսաստանի ազդեցությունն էլ ավելի կմեծանա Հայաստանի վրա, Արա Պապյանը նշեց.
«Առանց այդ էլ շատ է, հետևաբար մի քիչ ավել-պակաս ոչինչ չի փոխվում: Մենք մտել ենք ԵՏՄ, ինչ էլ ուզում է անենք, նրանց նվագի տակ ենք պարելու: Հովիկ Աբրահամյանը չէ՞ր, որ ապրիլյան պատերազմից հետո վեր կացավ, գնաց Մոսկվա՝ ԵՏՄ անդամ երկրների վարչապետների համաժողովին: Սրանից ավելի ռուսամե՞տ: Իմ կարծիքով, հնարավոր է՝ նույնիսկ Կարեն Կարապետյանը չգնար: Նա ավելի սկզբունքային, պատրաստված մարդ է»:
Անի Կարապետյան
