▲ Դեպի վեր

ՎԵՐՋԻՆ ԼՈւՐԵՐԸ

Մոսկվա-Երևան չվերթի ուղևորի կյանքը փրկել չի հաջողվել...

Իսկական հայի ոգին...Ինչպես են մանկապարտեզի սաները քնելուց առաջ կատարում «Զարթնիր Մասիս, հայն է գալիս» երգը

Երևանում 2 տարեկան երեխա է մահացել

Աստղաբանն ասել է, թե ինչ է սպասվում Հայաստանին ու բնակիչներին

Ո՞րն է հայ-ռուսական միացյալ զորախմբի նպատակը.ՀՀ պաշտպանության նախկին նախարարը պարզաբանում է


2016-12-02 13:22:26

Օրերս Հայաստանի և Ռուսաստանի պաշտպանության նախարարներ Վիգեն Սարգսյանն ու Սերգեյ Շոյգուն ստորագրեցին հայ-ռուսական միացյալ զորախմբի մասին համաձայնագիրը։

Հայաստանի պաշտպանության նախարար Վիգեն Սարգսյանը հայտարարեց, որ միացյալ զորախմբի կազմում կընդգրկվեն Գյումրիում տեղակայված ռուսական 102-րդ ռազմաբազան և հայաստանյան ռազմական ստորաբաժանումներ։

ՀՀ պաշտպանության նախկին նախարար Վաղարշակ Հարությունյանի խոսքով՝ այս փաստաթուղթը բազայի պայմանագրի, ՀԱՊԿ-ի շարունակությունն է: Բազայի խնդիրը ագրեսիայի դեպքում ՀՀ անվտանգությունն ապահովելն է, նույնը՝ ՀԱՊԿ պայմանագրի դեպքում:

«Սա նոր բան բացահայտող փաստաթուղթ չէ: Նորությունն այն է, որ եթե այն ժամանակ նախարարությունների մակարդակով էին այս խնդիրները լուծվում, ապա հիմա 2 փոփոխություն կա.առաջինը սա բերվել է միջպետական մակարդակի, ավելի հստակեցվել են բոլոր հարցերը, և երկրորդ՝ այս պահին է ի հայտ եկել, որովհետև ձևավորվում է կոլեկտիվ անվտանգության կովկասյան տարածաշրջանային խմբավորում»,-մանրամասնեց Վաղարշակ Հարությունյանը;

Անդրադառնալով հնչող մի շարք մտահոգություններին՝ նկատեց.

«Այս ամենը գործում է միայն ՀՀ-ի դեմ ագրեսիայի դեպքում: Այս զորամիավորումը չի կարող գնալ Սիրիա կամ այլ պետություն: Սա չի գործում նաև Արցախի դեպքում, քանի որ այն Հայաստանի կողմից ճանաչված չէ, ՀՀ կազմում չէ»:

Ինչ վերաբերում է վերջնական որոշմանը, ապա ՀՀ պաշտպանության նախկին նախարարի փոխանցմամբ՝  դա հայկական կողմինն է լինելու.

«Բերեմ օրինակ: ՆԱՏՕ-ն միավորված ուժեր ունի Եվրոպայում: Գիտե՞ք, թե ով է ղեկավարում: Ամերիկյան գեներալը, այն էլ՝ մշտապես, որովհետև ՆԱՏՕ-ի ֆինանսավորման 70 տոկոսն ու հիմնական ուժերը, միջուկային զենքն ունի ԱՄՆ-ն: Բնական է՝ միջուկային զենքի օգտագործումն ինչպե՞ս կարող է վստահել գերմանացուն»:

Վաղարշակ Հարությունյանը խոսեց նաև ՀԱՊԿ քարտուղարի պաշտոնում իր նշանակման մասին՝ ասելով.

«Չեմ ուզում սա մեկնաբանել, փակ հարց է: Նշեմ միայն այն, որ որոշում է կայացվել՝ այն պետք է ռոտացիոն կարգով լինի: Առաջիկայում նիստ կգումարվի, իսկ, թե ինչ որոշում կկայացնեն՝ չեմ կարող ասել»:

Հարցին, թե գուցե հետաձգման պատճառը մյուս պետությունների կողմից ճնշումնե՞րն են,  Վաղարշակ Հարությունյանը պատասխանեց.

«Եթե որևէ պետություն այսօր դեմ է Հայաստանին, մեր երկիրն էլ վաղը իրենց դեմ կխոսի»:

Անի Կարապետյան




Нравится






Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:


Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.