Գյումրիի քաղաքապետ Սամվել Բալասանյանը չի առաջադրվի ԱԺ արտահերթ խորհրդարանական ընտրություններին. այս մասին այսօր՝ նոյեմբերի 10-ին, լրագրողների հետ զրույցում ասել է Բալասանյանը:
«ԱԺ արտահերթ ընտրություններին չեմ մասնակցելու, որդիներս նույնպես չեն մասնակցելու, անկուսակցական եմ: Մեկ ձայն ունեմ ու տալու եմ իմ լավ ընկերոջը՝ Ֆելիքս Ցոլակյանին»,- շեշտել է Բալասանյանը:
Նշենք, որ ՀՀ Արտակարգ իրավիճակների նախարարի պաշտոնակատար Ֆելիքս Ցոլակյանը ԱԺ առաջիկա ընտրություններին կմասնակցի ՔՊ-ի ցուցակով։ Նա ռեյտինգային ընտրակարգով առաջադրվելու է Շիրակի մարզում։