▲ Դեպի վեր

lang.iso lang.iso lang.iso

Դուք դասախոս չեք. դադարեք ասել՝ ով ինչ գիրք կարդա. Լենա Նազարյանը՝ Գեւորգ Պետրոսյանին

 

 

Պարոն Պետրոսյան ուզում եմ Ձեզ ու Ձեր գործընկերներին հիշեցնել, որ Դուք այստեղ դասախոս չեք և պետք է դադարեք պատգամավորներին ասել, թե ով ինչ գիրք ու օրենքներ պետք է կարդա, որովհետև պարոն Պետրոսյանի կարդացած գրքերն իրեն չեն երաշխավորել արտահայտել այնպիսի մտքեր, որոնք մարդու իրավունքի տեսանկյունից ուղղակի խայտառակություն են: Այսօր՝ ապրիլի 17-ին, խորհրդարանում հայտարարեց ԱԺ փոխխոսնակ Լենա Նազարյանը՝ դիմելով ԲՀԿ-ական պատգամավոր Գևորգ Պետրոսյանին:

«Պարոն Պետրոսյանի կարդացած գրքերը չեն երաշխավորել, որ իրենց խմբակցությունում լինեն մարդիկ, որի նկատմամբ քրեական գործ է հարուցվել: Պարոն Պետրոսյանի կարդացած գրքերը չեն երաշխավորել, որ իրենց խմբակցությունում լինի մարդ, որը ՀՀ երկրորդ քաղաքն այնպիսի իրավիճակի է հասցրել, որ փոսից չենք կարողանում հանել: Հորդորում եմ Պետրոսյանին այլևս չխոսել մեր կարդացած գրքերից և հորդորում եմ որևէ մեկին որևէ մեկի քաղաքական փորձառությունը չդարձնել վերին հեղինակություն և դրոշակ, որովհետև հիմա քաղաքականությունը ոչ թե ավելի հարմար տեղավորվելու, այլ ավելի ազնիվ ու խիզախ լինելու մասին է»,-ասաց Լենա Նազարյանը:

Մանրամասները՝ տեսանյութում
Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին