▲ Դեպի վեր

ՎԵՐՋԻՆ ԼՈւՐԵՐԸ

Հրաչյա Հարությունյանը կշարունակի պատիժը կրել Հայաստանի բանտում. դատարանը որոշում կայացրեց

Ռուսաստանում Ղարաբաղի հարցին առանձնահատուկ ուշադրություն են դարձնում. ՌԴ ԱԳՆ

Գյումրիի կրակոցների հետքերով. «օրենքով գող» համարվող Արտյոմ Ղազարյանը բերման ենթարկվեց

ՊՆ-ին առաջարկում եմ ռեզիդենտ ռազմական կցորդ ունենալ Թել Ավիվում

Վրույր Փենեսյանը կիրականացնի 2016-ի մտադրությունը. առաջին անգամ տեղի կունենա hայկական կոնյակի ազգային փառատոնը



2017-03-21 13:31:44

BPA ընկերության նախագահ Վրույր Փենեսյանը դեռ 2016 թվականին հայտարարել էր, որ 2017 թվականին իրականացնելու է կոնյակի փառատոն: Նախորդ տարի BPA ընկերությունը, որն արդեն երկու տարի է, ինչ կազմակերպում է «Ինվեստ Արմենիա» համաժողովները, նախաձեռնել էր նաև «Welcome to Armenia» զբոսաշրջային համաժողովը: Նպատակը BPA ընկերության կողմից իրականացվող նախագծերի ներկայացումն էր, որոնցից առաջնայինն այն էր, որ  ընկերությունը 2017 թվականին հայկական կոնյակի առաջին ազգային փառատոնն է կազմակերպելու:

«Սա, թերևս առաջին անգամն է, որ Հայաստանում կոնյակի փառատոն է կազմակերպվելու: Այդ մասին հայտարարեցի նախորդ տարի, իսկ ներկայումս աշխատանքներ են տարվում այդ ուղղությամբ, որպեսզի ամեն ինչ հավուր պատշաճի իրականացվի: Մենք վստահ ենք, որ այն խթանելու է զբոսաշրջությունը Հայաստանում: Առհասարակ, կոնյակագործությունն այն ոլորտներից է, որն իսկապես կարող է հետաքրքրել զբոսաշրջիկներին, ովքեր կգան Հայաստան և կծանոթանան և երկրին, և հայկական կոնյակի ավանդույթներին»,- Asekose.am-ի հետ զրույցում ասաց BPA ընկերության նախագահ Վրույր Փենեսյանը:

Վերջինս նշեց, որ փառատոնի  անցկացման օրերը հստակ չեն, սակայն արդեն հայտնի է, որ այն տեղի կունենա աշնանը:

«Ի սկզբանե այն նախատեսել էիք իրականացնել գարնանը, սակայն ոլորտի մասնագետների, ինչպես նաև «Պեռնո Ռիկար Արմենիա» ընկերության նախկին ղեկավարության հետ քննարկումներից հետո հասկացանք, որ պետք է փառատոնն իրականացնել աշնանը: Դա պայմանավորված էր նաև այն գործոնով, որ զբոսաշրջիկները և, առհասարակ, փառատոնի մասնակիցները քաղհանին մասնակցելու հնարավորություն ունենան: Դա մասնագետների հորդորն էր, իսկ ավելի վաղ փառատոնն իրականացնելով` այն ամբողջական չէր լինի: Մենք պատկերացնում ենք, որ փառատոնի մասնակիցներն այդ շրջանում կգնան դաշտեր, ներկա կլինեն քաղհանին, ապա կհետևեն ընթացքին արդեն գործարանում, ինչի արդյունքում էլ կծանոթանան հայկական կոնյակագործության ավանդույթներին»:

Վրույր Փենեսյանի խոսքով` առաջին անգամ կոնյակի ազգային փառատոնի իրականացումը հենց 2017 թվականին կարևոր է նաև այն տեսանկյունից, որ այս տարի լրանում է հայկական կոնյակագործության 131-ամյակը:

«Սա իհարկե հետաքրքիր փաստ է, ի վերջո, մենք կարող ենք մարդկանց այս գաղափարի շուրջ համախմբել: Վստահ եմ, որ  փառատոնը կլինի շատ արդյունավետ, նախատեսել ենք, որ այն կտևի երեք օր`կոնյակագործությամբ զբաղվող ընկերությունների այցելությամբ: Այդ օրեըը հագեցած կլինեն նաև մշակութային  բաղադրիչներով, օրինակ` հայկական երգ և երաժշտություն կլինի, սակայն այլ մանրամասներ չեմ ցանկանում հայտնել»,-ասաց BPA ընկերության նախագահ Վրույր Փենեսյանը:

Հեղինակ` Լիլիթ Հակոբյան




Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:


Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.