▲ Դեպի վեր

ՎԵՐՋԻՆ ԼՈւՐԵՐԸ

Հույս ունեմ, որ կկարողանանք Ռոբերտ Աբաջյանի հերոսությանն արժանի ապրել՝ անկախ նրանից, թե ինչով ենք զբաղվում. Նիկոլ Փաշինյան

Որդիս հարցրեց՝ արդյո՞ք մահանալու ես. իմ ախտորոշմամբ մի քանի շաբաթ են ապրում. Անի Քոչարի բացառիկ հարցազրույցը

Վարչապետն աչքի ընկած դիրքապահներին պարգևատրել է հայկական ժամացույցներով

Կապ չունի՝ ով է իշխանությունը,կբացահայտեմ՝ շահարկվել է Ռիտա Սարգսյանի անունը. Իրինա Հարությունյանը՝ անսպասելի զանգի մասին

Սաշիկ Սարգսյանի որդին փորձել է փախնել Ֆրանսիա. նրան հայտնաբերել են «Զվարթնոց» օդանավակայանում



2018-07-12 13:47:29

 

Սերժ Սարգսյանի եղբոր` Ալեքսանդր Սարգսյանի որդին` Հայկ Սարգսյանը, փորձել է փախնել Հայաստանից, բայց չի հասցրել։ Ոստիկանությունը հայտնում է, որ իրավապահները Հայկ Սարգսյանին հայտնաբերել են հուլիսի 4-ին, «Զվարթնոց» օդանավակայանում և բերման ենթարկել։

Ըստ ոստիկանության` Սարգսյանը պատրաստվում էր լքել Հայաստանը և մեկնել Ֆրանսիա։ Ի դեպ, Հայկ Սարգսյանի նկատմամբ հարուցված քրեական գործի առաջին հաղորդագրությունը ՀՀ գլխավոր դատախազությունը տարածել էր հենց այս գործողությունից անմիջապես հետո` հուլիսի 4-ին, թեև նյութերի նախապատրաստումը սկսվել էր օրեր առաջ` հունիսի 29-ից։

Հայկ Սարգսյանը մեղադրվում է 2007թ.–ին կատարած հանցագործության համար։ 11 տարի առաջ կարճված գործը վերաբացվել էր տուժողի` Դավիթ Սիմոնյանի հաղորդման հիման վրա, որը նա տվել էր հունիսի 29-ին։

Հիշեցնենք, որ 2007 թ–ի ապրիլի 1-ին երեկոյան, Երևանի Թումանյան-Նալբանդյան փողոցների խաչմերուկում, Ալեքսանդր Սարգսյանի տան մոտ հնչած կրակոցից ստացած վնասվածքով հիվանդանոց էր տեղափոխվել Երևանի բնակիչ, 25–ամյա Դավիթ Սիմոնյանը։ Նույն օրը ոստիկանություն է ներկայացել նրա ընկեր Արթուր Ղևոնդյանը, ներկայացրել ատրճանակը, որից արձակվել էր կրակոցն ու հայտնել, որ այն գտել է մանկապարտեզի մոտից և անզգուշությամբ կրակել ընկերոջ վրա։

Այս փաստով հարուցված քրեական գործը որոշ ժամանակ անց կարճվել էր` տուժողի հետ հաշտվելու հիմքով, քանի որ Դավիթ Սիմոնյանը բողոք չէր ներկայացրել։ Ոստիկանությունը նաև հայտնում է, որ Արթուր Ղևոնդյանն այժմ բնակվում է Ռուսաստանի Սոչի քաղաքում։

Գործի վերաբացվելուց հետո 35-ամյա Ղևոնդյանը վերադարձել է Հայաստան և հուլիսի 8-ին ներկայացել է ոստիկանություն` ցուցմունք տալու։

Հիշեցնենք, որ հուլիսի 11-ին դատարանի որոշմամբ Հայկ Սարգսյանը կալանավորվել ու տեղափոխվել է քրեակատարողական հիմնարկ։







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.