▲ Դեպի վեր

lang.iso lang.iso lang.iso

Նոտարական գրասենյակներ զավթողը. Հրայր Թովմասյանի դեմ քրեական մեղադրանք կներկայացվի

 

Asekose.am-ը ներկայացնում է հայաստանյան մամուլի ամենաուշագրավ հրապարակումները

«Հրապարակ» թերթը գրում է. «Ստամբուլյան աղմկահարույց կոնվենցիայի վավերացումը նոր իշխանությունների մոտ կարծես այլընտրանք չունի․ մեր տեղեկություններով, «Իմ քայլը» խմբակցությանը գործադիրից հրահանգել են չխոսել այդ կոնվենցիայի մասին, կարծիքներ չհայտնել, որպեսզի սեպտեմբերին սկսվող աշնանային նստաշրջանի ժամանակ անաղմուկ վավերացնեն այն։

Հիշեցնենք, որ կոնվենցիան ստորագրվել է նախկին իշխանության ժամանակ, բայց պետք է դեռ վավերացվի։ Կոնվենցիայի աղմկահարույց դրույթներից մեկը, հիշեցնենք, երրորդ սեռի գոյության ամրագրումն է։ Հայ ավանդապաշտները կարծում են, որ կոնվենցիան հասարակությանն «այլասերման» է տանելու»:

Առավել մանրամասն՝ թերթի այսօրվա համարում

 

 

 

«Հրապարակ» թերթը գրում է. «Երեւանի քաղաքապետարանում եւ թաղապետարաններում «հնի ու նորի» կամ, ինչպես ասել է դասականը, «սեւերի ու սպիտակների» բաժանումը հասել է գագաթնակետին:

Բանն այն է, որ համայնքային ծառայողների շրջանում ատեստավորում է սկսվել, ինչն արվում է ըստ օրենքի՝ 3 տարին մեկ: Բացի այդ՝ հին ծառայողներին, որոնց թոշակային տարիքը լրացել է (65 տարեկանը), թեեւ օրենքը թույլ է տալիս եւս մեկ տարով երկարացնել աշխատանքային պայմանագիրը, սակայն պայմանագրերը չեն երկարացնում:

Եվ քաղաքապետ Հայկ Մարությանի հայտնվելուց հետո մեկ տարուց պակաս ժամանակահատվածում քաղաքապետարանի աշխատակազմը մի 40 տոկոսով նորացել է՝ նոր դեմքեր են հայտնվել գրեթե բոլոր վարչություններում: Նրանք բոլորովին այլ կարգավիճակ ունեն՝ ինչպես վայել է «սպիտակ» աշխատողներին՝ սիրված ու գնահատված են, շատ բարձր պարգեւավճարներ են ստանում եւ առհասարակ՝ յուրային են ու դրության տերը:

Իսկ հները ոչ միայն հայտնվել են «սեւերի» ցուցակում, քանի որ նախկինների օրոք աշխատել են՝ կարեւոր չէ, թե ինչ, այլեւ բոլոր առիթներն օգտագործվում են նրանցից ազատվելու համար:

Ամենակարեւորը՝ եթե հին աշխատողները 80-90 տոկոսի չափով պարգեւավճար են ստանում, ապա նորերից ոմանք՝ անգամ 200 տոկոսի չափով: «Պարգեւավճարների ցուցակը որ նայեք, միանգամից կհասկանաք, թե ովքեր են սպիտակները, ովքեր՝ սեւերը»,- ասաց մեր զրուցակիցը»:

Առավել մանրամասն՝ թերթի այսօրվա համարում

«Ժամանակ» թերթը գրում է. «Վարչապետ Նիկոլ Փաշինյանը «Ազատություն» ռադիոկայանին տված իր հարցազրույցում Սահմանադրական դատարանը դրա նախագահ Հրայր Թովմասյանի կողմից սեփականաշնորհելը համեմատեց նոտարական գրասենյակի սեփականաշնորհման հետ:

Պարզվում է՝ այս համեմատությունը պատահական չէ: Արդարադատության նախարար աշխատած տարիներին Թովմասյանը սեփականաշնորհել է մի քանի նոտարական գրասենյակներ, եւ իշխանությունը մտադիր է առաջիկայում այդ գործերով քրեական մեղադրանք ներկայացնել Թովմասյանին»:

Առավել մանրամասն՝ թերթի այսօրվա համարում

«Ժամանակ» թերթը գրում է. ««Ժամանակ»-ի տեղեկություններով՝ Քոչարյանի բողոքի քննությունը ՍԴ-ում կասեցնելու եւ Վենետիկի հանձնաժողով ու ՄԻԵԴ դիմելու վերաբերյալ ՍԴ որոշումը միաձայն չի կայացվել:

Թեեւ Ալվինա Գյուլումյանը «Ժամանակ»-ին ասել է, որ ՍԴ այս որոշմանը կողմ են եղել ՍԴ բոլոր անդամները, սակայն մեր տեղեկություններով՝ ՍԴ դատավոր Արման Դիլանյանը դեմ է եղել, իսկ Վահե Գրիգորյանն առհասարակ չի մասնակցել նիստին:

Ալվինա Գյուլումյանը թերեւս բոլոր անդամներ ասելով՝ նկատի ուներ ՍԴ 7 անդամներին»։

Առավել մանրամասն՝ թերթի այսօրվա համարում

«Ժամանակ» թերթը գրում է. ««Ժամանակ»-ի տեղեկություններով՝ Քոչարյանի բողոքի քննությունը ՍԴ-ում կասեցնելու եւ Վենետիկի հանձնաժողով ու ՄԻԵԴ դիմելու վերաբերյալ ՍԴ որոշումը միաձայն չի կայացվել:

Թեեւ Ալվինա Գյուլումյանը «Ժամանակ»-ին ասել է, որ ՍԴ այս որոշմանը կողմ են եղել ՍԴ բոլոր անդամները, սակայն մեր տեղեկություններով՝ ՍԴ դատավոր Արման Դիլանյանը դեմ է եղել, իսկ Վահե Գրիգորյանն առհասարակ չի մասնակցել նիստին:

Ալվինա Գյուլումյանը թերեւս բոլոր անդամներ ասելով՝ նկատի ուներ ՍԴ 7 անդամներին»։

Առավել մանրամասն՝ թերթի այսօրվա համարում

«Հրապարակ» թերթը գրում է. «Նոր Հայաստանում հայտնի գործարարներից միակ «անձեռնմխելին» Սամվել Լիմինդրովիչն է, մնացյալները «պախատ» են անում, եւ իշխանությունն այս կամ այն կերպ փորձում է «խելոքացնել»»,- ասաց մեր աղբյուրը:

«Պախատ» անողների առաջին շարքում խորհրդարանական երկրորդ ուժի ղեկավար, բիզնեսները կառավարման տված Գագիկ Ծառուկյանն է, որը, ի դեպ, այս օրերին, իր սովորության համաձայն, «ազգով-տակով» մեկնել է Մոնակո` ակտիվ հանգստի։ «Մեզ մոտ` թե՛ «Առինջ մոլում», թե՛ մնացած բոլոր օբյեկտներում ստուգումներն անվերջ շարունակվում են»,- ասաց «Մուլտի գրուպի» պատասխանատուներից մեկը:

Իսկ Աբովյան փողոցում գտնվող հյուրանոցի շինարարությունն ի՞նչ վիճակում է։ «Կասեցված է, դատական գործն արդեն մեկ տարի կանգնած է, չնայած շինարարական կազմակերպությանը, ըստ պայմանագրի, ամեն ամիս 66 միլիոն դրամ ենք վճարում»: Ինչո՞ւ չեք կասեցնում պայմանագիրը։ «Դա ենք նախապատրաստում»:

Իսկ խոսակցությունները, որ սպորտի նախկին նախարարության, օլիմպիականի շենքը Գագիկ Ծառուկյանի կողմից գնվելու է` ծառայեցվի սպորտային նպատակների, համապատասխանո՞ւմ են իրականությանը, տեղեկություններ կան, որ այն աճուրդի է հանվում։ «Ամեն բան դեռ քննարկումների մակարդակում է, կոնկրետություն դեռ չկա»:

Առավել մանրամասն՝ թերթի այսօրվա համարում

 

 

 

 

 

 

 

 

 

 

 

 

«Հրապարակ» թերթը գրում է. «Մաշկաբանության եւ սեռավարակաբանության բժշկագիտական կենտրոնում խմորումները շարունակվում են։ Եթե առաջիկայում վարչապետը կամ իր աշխատակազմից որեւէ մեկը չընդունի կենտրոնի աշխատակիցներին, չի բացառվում, որ նրանք գնան կառավարության «դուռը»՝ բողոքի ցույց անելու։ Կենտրոնն ընդգրկված է պետական հաստատությունների ցանկում, որը մտադիր են մասնավորեցնել։

Ըստ տեղեկությունների՝ առողջապահության նախարար Արսեն Թորոսյանը, ով վերջերս առավել սերտ հարաբերություններ է հաստատել ոլորտում հետաքրքրություններ ունեցող Սամվել Ալեքսանյանի հետ, մտադիր է կենտրոնը հանձնել նրան, որ ներդրումներ արվեն։

Իսկ կոլեկտիվը կարծում է, որ մասնավորեցումից հետո կենտրոնը որպես բուժհաստատություն կդադարի գործել, եւ գործարարը կառաջնորդվի բացառապես բիզնես շահով։ Օրերս նրանք բաց նամակ էին հղել վարչապետին՝ հանդիպման ակնկալիքով, որտեղ իրենց մտահոգությունները շարադրելով՝ առանց անուն տալու, ակնարկել էին։ «Մեծ հավանականությամբ, հենց նման բիզնես մտածողությամբ էլ առաջնորդվում են հնարավոր արդեն մասնավորեցման հայտ ներկայացրած կամ ներկայացվելիք դիմորդները․․․»։

Առավել մանրամասն՝ թերթի այսօրվա համարում

 

 

 

 

 

 

 

 

«Ժամանակ» թերթը գրում է. «Մի քանի օր է՝ մամուլն ակտիվորեն քննարկում է գործարար Վահե Պարազյանի և «Տաշիր» ընկերությունների խմբի նախագահ Սամվել Կարապետյանի եղբորորդու՝ Նարեկ Կարապետյանի միջադեպը։

Նարեկ Կարապետյանին և նրա ընկերոջը մեղադրանք է առաջադրվել Վահե Պարազյանի նկատմամբ բռնություն գործադրելու մեղադրանքով:

Վահե Պարազյանը «Ժամանակ»-ին պատմել է, որ Կարապետյանների հետ կոնֆլիկտն ունի նախապատմություն։ Տարիներ առաջ իրենք Մոսկվայում շինարարական ընկերություններ են հիմնել, մասնակցել են «Գազպրոմ»-ի տենդերներին, սակայն մի փուլից Սամվել Կարապետյանը պահանջել է բիզնեսը տալ իրենց ու հեռանալ, այլապես խոստանում է «դեպորտ» անել երկրից, բացի բիզնեսից՝ Կարապետյանները պահանջել են նաև վերադարձնել երկու տարվա մեջ աշխատած 10 միլիոն եվրոն։

Օրերս էլ Նարեկ Կարապետյանը կրկին Վահե Պարազյանին կանչել և ասել է, որ հորեղբայրն ասում է, որ ելքը մեկն է՝ կամ 10 միլիոն եվրոն վճարում են, կամ ընտանիքի հետ պրոբլեմ են ունենալու։ Մերժում է եղել, որի պատճառով գործարարը ծեծի է ենթարկվել։

Առավել մանրամասն՝ թերթի այսօրվա համարում:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Մամուլ ավելին