Տարկետման իրավունքի սահմանափակման դեմ բողոքող ուսանողների եւ ԱԺ ղեկավարության միջեւ փակ հանդիպումն ավարտվել է:
Հանդիպումը տեղի է ունեցել 5 ուսանողների եւ ԱԺ փոխնախագահ Էդուարդ Շարմազանովի միջև, որին կեսից միացել է ԱԺ նախագահ Արա Բաբլոյանը:
«Զինապարտության և զինծառայողի կարգավիճակի մասին» օրենքի վիճելի կետերը ուսանողների ու օրենսդիրների միջև կքննարկվեն կլոր սեղանի ֆորմատով` նոյեմբերի 22-ին: Այս մասին հայտարարել է հացադուլ հայտարարած ուսանող Դավիթ Պետրոսյանը: Մինչ այդ ուսանողները համաձայնել են դադարեցնել հացադուլն ու դասադուլը:
Հիշեցնենք, որ այսօր Ազգային ժողովը երկրորդ ընթերցմամբ և ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքի նախագիծը։
