Իլհամ Ալիեւն ու իր հայաստանյան նախկին կոլեգան գրեթե միաժամանակ հարցազրույց տվեցին եւ ինձ մեղադրեցին բռնապետ լինելու մեջ, երկուսը միաժամանակ: Այս մասին Երեւանի Գարեգին Նժդեհի հրապարակում «Իմ քայլը» դաշինքի նախընտրական քարոզարշավի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով ՀՀ երկրորդ նախագահ Ռոբերտ Քոչարյանի կողմից իրեն բռնապետ անվանելուն։
«Ով բռնապետությունից խոսա, դուք քյաբաբ-խորովածից խոսացեք։ Երրորդ հանրապետությունում մամուլը, հեռուստատեսությունը երբեք չեն եղել այնքան ազատ, ինչքան հիմա է ՀՀ-ում։ Բոլոր հեռուստաընկերությունների լրատվական բլոկների աշխատանքը ճշտվել էր Բաղրամյան 26-ի հետ։ Իմ վարչապետ ընտրվելուց հետո նման երեւույթն իսպառ վերացված է»,- ասաց Նիկոլ Փաշինյանը։
Կարդացեք նաև՝ Պետք չի սեփական հարստությունը, ավտոներն ու կոշիկները, վերտուները ժողովրդի աչքը մտցնել...Նիկոլ Փաշինյան
Վերջին 3 օրերին ՀՀ զինված ուժերը ստիպված են եղել խոցել ադրբեջանցի 3 զինվորի. Նիկոլ Փաշինյան
