Երևանի քաղաքապետարանի աշխատակիցներն ու վարչական շրջանի ղեկավարները կրկին պարգևատրումներ են ստացել:

Քաղաքապետարանի պաշտոնական կայքում հրապարկվել է 2019 թ.-ի երկրորդ եռամսյակի պարգևատրումների ցուցակը: Ընդհանուր պարգևատրումը կազմել է 56,319,500 դրամ։

Ամենից շատ պարգևատրվել են քաղաքապետի առաջին տեղակալ Հրաչյա Սարգսյանը, քաղաքապետի տեղակալներ Հայկ Սարգսյանը, Սերգեյ Հարությունյանը, Տիգրան Վիրաբյանը, Երևանի գլխավոր ճարտարապետ Արթուր Մեսչյանը և քաղաքապետարանի աշխատակազմի քարտուղար Վահե Խաչատրյանը:

Նրանց պարգևավճարները կազմել են 965.000 դրամ յուրաքանչյուրին:

Քաղաքապետի խորհրդական Կամո Արեյանը, գրեթե բոլոր վարչությունների պետերը պարգևատրվել է 840.000-ական դրամով։  Քաղաքապետի մամուլի քարտուղար Հակոբ Կարապետյանը պարգևատրվել է 560.000 դրամով, տեղեկատվության եւ հասարակայնության հետ կապերի վարչության պետ Իոսիֆ Կուբատյանը՝ 840 հազար դրամով։