Այսօր մամուլի ասուլիսի ժամանակ լրագրողներից մեկը հետաքրքրվեց՝ արդյո ՞ք Նիկոլ Փաշինյանը իրեն հարմարավետ է զգում այն սուպերվարչապետական կոստյումի մեջ, որը Հրայր Թովմասյանը «պատրաստվել էր» Սերժ Սարգսյանի հագով, և արդյո՞ք չի ցանկանում դրանից հրաժարվել և բալանսավորել վարչապետի ու նախագահի լիազորությունները։
«Սազո՞ւմ է»,– հարցին ժպիտով արձագանքեց վարչապետը, ապա նշեց.
«Դուք ասում եք վարչապետի եւ նախագահի լիրազորությունների բալանսավորման ասին, իսկ ո՞վ է ասում, որ բալանսավորումը պետք է լինի դրանց միջև, և բալանսավորումը չի կարող տեղի ունենալ վարչապետի եւ նախագահի միջև։ Օրինակ, դուք գիտեք՝ ո՞վ է Գերմանիայի նախագահը։ Գիտեք, շնորհավորում եմ ձեզ այդ կապակցությամբ, որովհետև շատերը չգիտեն։ Եթե պետությունը կարող է ունենալ երկու ղեկավար, ուրեմն դա այդ պետության վերջն է։ Հայաստանի Հանրապետությունում պետությունը չի կարող ունենալ երկու ղեկավար, ինչպես Գերմանիան չի կարող ունենալ երկու ղեկավար։
Հայաստանում այսօր հաստատված է խորհրդարանական համակարգ, և հետևաբար, իշխանությունը, պետության պատասխանատվությունը ևղեկավարումը դրված է կառավարության և վարչապետի վրա։ Բալանսավորումը չի կարող տեղի ունենալ վարչապետի և նախագահի միջև։ Բալանսավորումը պետք է տեղի ունենա օրենսդիր, գործադիր և դատական իշխանությունների միջև»,- ասաց Փաշինյանը, ապա շարունակեց.
«Երբ ժամանակին ասում էի՝ այս համակարգով ավելի հեշտ է իշխանափոխություն անել, քան նախորդ համակարգով, հիշում եմ, ներկա էին լրագրողներ, շատերն ասում էին՝ այս ինչ է՝ պարզվեց, բացահայտվեց ամեն ինչ։ Համաձայն եմ, որ այդ բալանսավորումը պետք է տեղի ունենա, և այդ մասին արդեն հայտարարել եմ որպես վարչապետի թեկնածու, բայց ուզում եմ, որ բոլորս գիտակցենք, որ դա մի օրում տեղի չի ունենալու։ Եթե դա տեղի ունենա մի օրում, և տեղի ունենա այնպես, որ չապահովի պետական կառավարման համակարգի կայունությունը, ապա մենք կունենանք լուրջ խնդիրներ»:
Կարդացեք նաև՝ ՊԵԿ-ն այսօր բացահայտումներ է անում, որոնք ֆանտաստիկայի ոլորտից էին մի քանի ամիս առաջ. Նիկոլ Փաշինյան
Կլինեն մարդիկ, ովքեր չեն հարմարվի իրավիճակին. վարչապետը՝ կադրային քաղաքականության մասին
Ի՞նչ են քննարկել. Փաշինյանը՝ իր և Լևոն Տեր-Պետրոսյանի հանդիպման մանրամասների մասին
Բացառվում է Արցախի խնդրի այնպիսի լուծում, որն ընդունելի չի լինի մեր ժողովրդի համար. Նիկոլ Փաշինյան
Եթե օրենքով հիմք կա, որևէ մեկը չի պլստալու. Նիկոլ Փաշինյանը Սաշիկ Սարգսյանին ձերբակալելու մասին
