Համացանցում լուրեր են տարածվել այն մասին, որ  դերասանուհի Ալինա Մարտիրոսյանը սիրավեպ ունի 25-ամյա տղայի հետ: Այս թեմայի վերաբերյալ ճշտումներ կատարելու համար Asekose.am-ը կապ հաստատեց դերասանուհու, իսկ հետո նաև իր փաստաբանի հետ: Մեզ հետ զրույցում Ալինան ասաց.

Դա  հերհուրանք է իմ անձի նկատմամբ, այդ ամենը գրողը կենթարկվի պատասխանատվության օրենքի ողջ խստությամբ: Չեմ ցանկանում ծավալվել միայն մի բան կասեմ, նման բան չկա և չի էլ կարող լինել, այդ հոդվածը տեղադրողը պարզապես ցանկացել է ինձ խայտառակել և արել է դա:

 Իսկ դերասանուհու փաստաբանը՝ Գալիկյան փաստաբանական գրասենյակի տնօրեն՝ Գալիկ Գալիկյանը մեզ հետ զույցում ասաց.

Մեր շատ լրատվական կայքեր պարզապես լայքեր հավաքելու համար տեղադրում են այնպիսի տեղեկություններ որոնք չեն համապատասխանում իրականությանը: Այդ թեմայի կապակցությամբ ես խոսել եմ Ալինայի հետ, ով ինձ տեղեկացրել է, որ նման  բան չկա և լուսանկարների երիտասարդը պարզապես իր մտերիմներից մեկն է: Ալինան, լինելով հայտնի մարդ, այսօր շատ լուսանկարներ է հրապարակում տարբեր մարդկանց հետ, որոնցից մեկը այդ տղան է:  Այդ տեղեկատվությունը բացառապես սուտ է և զրպարտություն ոչ միայն Ալինայի նկատմամբ՝ այլ նաև տվյալ երիտասարդի:

Այն հարզին, թե ինչ քայլեր են պատրաստվում ձեռնարկել փաստաբանն ասաց.

Մենք մեր գործողությունները կկատարենք օրենքով սահմանված կարգով և չի բացառվում, որ դատական գործընթաց սկսենք կայքերի դեմ, ովքեր տարածել են այդ լուրերը: Կփորձենք ավելի քաղաքակիրթ տարբերակով դա անել, եթե ներողություն խնդրեն հրապարակային և խոստանան, որ այլևս Ալինայի անձնական չեն ներխուժի և տարբեր լուսանկարներ հրապարակեն, մենք կբավարարվենք դրանով: Եկեք չմոռանանք, որ Ալինան հասուն տղա ունի, դուք պատկերացնում եք նրա վիճակը: Այս ամենը բարոյական սահմաններից դուրս է և ոչ ոք իրավունք չունի Ալինայի տան լվացքը հանրային դարձնել: Չեմ հոգնի ևս մեկ անգամ կրկնել, որ Այդ ամենը չի համապատասխանում իրականությանը ես պատրաստ եմ պաշտպանել Ալինայի շահերը ու վստահեցնում եմ, որ մեղավորը կպատժվի օրենքի ողջ խստությամբ: