Գերմանիայում բնակություն հաստատած հայտնի լրագրող, մոդել Անի Քոչարը ֆեյսբուքյան իր էջում գրել է.
«Մեկ տարի անցավ. մեկ տարի, որը մի ողջ դար թվաց:
2018-ի մայիսի 25-ին էր, որ լսեցի.
- Ցավում ենք, բայց դուք արյան քաղցկեղ ունեք(AML):
Լսածիդ անմիջապես չես հավատում. չի կարող պատահել, գրողը տանի, այդ ինչպե՞ս: Շոկին հաջորդում է ըմբոստությունդ, պայքարելու ձգտումդ, հետո բուժումները լրիվ թուլացնում են ու տկար մարմնիդ պատում է դեպրեսիան և ընկճախտից դուրս գալու և այդ կատաղի պայքարում հաղթելու միակ փրկությունը Տերն է:
Այսօր, երբ ամեն բան անցյալում է, հետ եմ նայում և տեսնում, որ այդ ախտորոշումը, որը կյանքս պիտի խլեր, իրականում խլեց իմ կյանքից շատերին, ովքեր անգամ դժվարացան մի «առողջություն» մաղթել: Բայց նաև հայտնվեցին բազում մարդիկ, ովքեր ինձ անձամբ ծանոթ անգամ չլինելով շտապեցին օգնության ու քաջալերման և այս գրառումը երախտիքի խոսք է բոլոր նրանց, ովքեր կողքիս էին, ովքեր, թեկուզ հեռավորության վրա փորձեցին սիրտ տալ ու ձեռք բռնել:
Շնորհակալ եմ բոլորիդ, Տերը թող լիուլի ձեզ շնորհի և, ամենակարևորը, առողջություն պարգևի:
Պայքարի, կյանքի ու մահվան այս կռվի մեկ տարին ինձ համար մեծ դաս էր, որն այլևս մի նոր Անիի կերտման պատճառն է: Այսօր ես ինձ էլ ավելի լավ եմ ճանաչում` իմ ուժն ու հավատքիս զորությունը, կողքիս կանգնած մարդկանց, ընկերներին և չընկերներին, բոլորիիին: Քաղցկեղը մի յուրօրինակ դետեկտոր հանդիսացավ:
Հ.Գ. Փառք Տիրոջ, որ այսօր բժշկված վերադարձել եմ իմ բնականոն կյանքին և մեկ շաբաթ է, ինչ նաև աշխատանքին»:
Կարդացեք նաև՝ Որդիս հարցրեց՝ արդյո՞ք մահանալու ես. իմ ախտորոշմամբ մի քանի շաբաթ են ապրում. Անի Քոչարի բացառիկ հարցազրույցը
Բուժանձնակազմն ապշած էր. բոլորը լացում էին և շոկի մեջ էին. Անի Քոչարի գրառումը
Դա ինձ ցավ է պատճառում. Անի Քոչարը` տարեդարձի, անսպասելի հանդիպման, տխրելու պատճառի մասին և ոչ միայն
Ամռան երեք «հիասքանչ» ամիսներ հիվանդանոցում, իմ «չապրած» ամառը... Անի Քոչարի հուզիչ գրառումը
«Ինձ բացակա չդնեք. ասում են՝ լեյկոզը մահավճիռ չէ». Անի Քոչարն արյան քաղցկեղ ունի
Գոնե ինձ խղճացեք, այլևս նյարդերս տեղի են տալիս. Անի Քոչարի խնդրանքը
Այն պահն է, որ կարող էիր և չլինել, բայց... Անի Քոչարի հուզիչ գրառումը
Կյանքը շարունակում է հարվածներ հասցնել, իսկ ես` համառորեն պայքարել. Անի Քոչար
Որևէ մեկը չգիտի՝ ե՞րբ է կորցնում և ե՞րբ է գտնում. Անի Քոչարի ամանորյա հուզիչ շնորհավորանքը
