Արա Գաբրիելյանն ազատվել է Պետական եկամուտների կոմիտեի նախագահի տեղակալի պաշտոնից։
Այս մասին տեղեկացնում են Կառավարությունից:
Վարչապետ Նիկոլ Փաշինյանի ստորագրած որոշման մեջ ասվում է. «Ղեկավարվելով «Պետական կառավարման համակարգի մարմինների մասին» օրենքի 7-րդ հոդվածի 3-րդ մասով՝ Արա Գաբրիելյանին ազատել Պետական եկամուտների կոմիտեի նախագահի տեղակալի պաշտոնից՝իր դիմումի համաձայն»։
Հիշեցնենք, որ օրեր առաջ Asekose.am-ը տեղեկացրել էր, որ Պետեկամուտների կոմիտեում կադրային լուրջ փոփոխություններ են սպասվում:
ՊԵԿ նախագահ Դավիթ Անանյանը կոմիտեի մաքսային բլոկի ղեկավարներից ազատման դիմումներ է պահանջել. մոտ 12 հոգանոց ցուցակը գլխավորում էր հենց մաքսային բլոկը համակարգող, ՊԵԿ նախագահի տեղակալ Արա Գաբրիելյանը, ցուցակում ներառված են նաև մաքսատան պետեր, մաքսանենգության դեմ պայքարի տարածքային ստորաբաժանումների ղեկավարներ և այլք: