Այսօր, օգոստոսի 18-ին Ոստիկանության Լոռու մարզային վարչության Ոստիկանության Սպիտակի բաժնի քրեական հետախուզության, անչափահասների գործերով և Համայնքային ոստիկանության բաժանմունքների ծառայողները Սպիտակի վարչական տարածքում սկսել են Կանեփ-կակաչ բերքահավաք։ 

Ինչպես գրում է Shamshyan.com-ը ոստիկանները առավոտյան ժամը 6-ից մի իսկական բերքահավաք են սկսել, որը կուտակելուց հետո այրման եղանակով ոչնչացնում են։ Կանեփն այնքան շատ է, որ ոստիկանները երբեմն մի քանի կիլոմետրեր են ոտքով քայլում ու, որտեղ տեսնում են կանեփի թփերը, արմատախիլ են անում։

Միակ խնդիրն այն է, որ ոստիկաններին խանգարում է շոգը և կանեփի վառվող ծուխը։ Ու երբեմն էլ միմյանց հետ կատակում են, ասելով․ «Վառելուց հետո լրիվ, ոնց որ, «օքեյ» լինի, մեզ զգում ենք 7-րդ երկնքում ու պատկերացնում ենք, որ աշխարհի ամենահարուստ վարձատրվող ոստիկաններից ենք»։

Նյութը՝սկզբնաղբյուր կայքում