Այսօր՝ մայիսի 19-ին, Պոնտոսի հույների Ցեղասպանության օրը Ծիծեռնակաբերդի հուշահամալիրում Հայաստանում հունական համայնքի ներակայացուցիչներ, ՀՀԿ ներկայացուցիչներ, ազատամարտիկներ եւ ՀՀ քաղաքացիներ հարգանքի տուրք մատուցեցին 353. 000 զոհերի հիշատակին:
Անմեղ զոհերի հոգու խաղաղության համար ներկաների կողմից հնչեց աղոթք, որից հետո հոգեհանգստի կարգ իրականացրեց Եզնիկ արքեպիսկոպոս Պետրոսյանը:
Ելույթներով հանդես եկան «Հույների ցեղասպանության ճանաչման» նախաձեռնող, ՀՀԿ ԳՄ անդամ Էդուարդ Շարմազանովը եւ Հայաստանում հունական համայնքի նախագահ Մարիա Լազարեւան:
