Բիզնեսները կապարակնքում եք, որ հետո վերցնեք, տաք ձեզ հաճո որևէ օլիգարխի. Ագնեսա Խամոյանը` իշխանությանը

«Հայաստան» խմբակցության պատգամավորը նշեց` եթե նախկինում Նիկոլ Փաշինյանը sms հաղորդագրությամբ էր հրահանգներ ուղարկում իրավապահ համակարգին` այս կամ այն ընդդիմադիրին կալանավորելու համար, ապա այժմ գործելաոճը փոխել է և ԱԺ ամբիոնից` ուղիղ եթերում է անում այդ հրահանգը։

«Քաղաքական հետապնդում և անձնական վրեժխնդրություն։ Այս երկու ձևակերպումներն է բնորոշ նրան, թե ինչ է տեղի ունենում վերջին երկու օրերի ընթացքում։ Մեզ համար դա նորություն չէ. նույնը եղել է Սամվել Կարապետյանի, Գագիկ Ծառուկյանի հետ»,– ԱԺ–ում ասաց «Հայաստան» խմբակցության պատգամավորը` հիշեցնելով, որ այս ամենի արդյունքում հասարակության նաև այլ շերտեր են տուժում։