Հայաստանում դատապարտվում են բոլոր նրանք, ովքեր ասում են «Արցախ», խոսում վերադարձի իրավունքի մասին․ Արթուր Խաչատրյան
«2 օր է արդեն՝ մենք ականատես ենք լինում, թե ինչպես է Ալիևի պարտադրած բռնակալությունը, որը բխում է նաև Նիկոլ Փաշինյանի շահերից, հաղթարշավում ՀՀ-ում։ Նիկոլ Փաշինյանի այստեղից հնչած ուղիղ հրամանով իրավապահ համակարգն անցել է գործի․ չկա էլ իրավապահ ավտոնոմ մարմինների անկախությունը, ինքնավար մարմինների անկախությունը, չկա այլևս դատարանների անկախությունը, գործում է բացառապես Նիկոլ Փաշինյանի բռնակալությունը»,- այսօր ԱԺ-ում հայտարարեց «Հայաստան» խմբակցության քարտուղար Արթուր Խաչատրյանը։
Նրա խոսքով՝ այն, ինչ տեղի է ունենում, միայն Ռոբերտ Քոչարյանի խնդիրը չէ, Նիկոլ Փաշինյանի օրոք դատվում են և դատվելու են բոլոր նրանք, ովքեր դեմ են վարվող կուրսին։
