«Իմ քայլը» դաշինքի թեկնածու Հայկ Մարությանը և ավագանու թեկնածուներն այսօր մամուլի ասուլիս են տվել: Քաղաքապետի թեկնածուն նշել է, որ իրենց առանցքային կետը կլինի ուղիղ ժողովրդավարությունը, այսինքն՝ հանրային հնչեղության մեծ հարցերը պետք է որոշել տեղական հանրաքվեներով:
«Հաջորդ ցավոտ կետը տրանսպորտն է, որը ոչ միայն ա կետից բ կետ տեղափոխվելու հարցն է, այլ նաև պատվի հարց է, ՀՀ առաջընթացի հարցն է»,-ասել է նա և նշել, որ կհիմնեն նոր տրանսպորտային ցանց՝ սկսած երթուղիներից, կանգառներից, տոմսային համակարգից:
«Լինելու է միասնական տոմսային համակարգ, երբ տոմսը գնվում է մեկ անգամ, որը ոչ թե մեկ անգամ օգտագործման համար է, այլ ժամվա: Այն մարդիկ, ովքեր մի քանի տրանսպորտ են օգտագործում, էժան տարբերակ է լինելու, տարբեր խմբերի մարդկանց համար լինելու է զեղչային համակարգ: Նաև երկարեցվելու է տրանսպորտի աշխատանքային ժամը»,-ասել է Մարությանը և նշել , որ նախատեսում են մետրոյի մեկ կայարան կառուցել:
Մանրամասները՝ տեսանյութում
