38-ամյա Տիգրան Առաքելյանի սպանության, ոստիկանի վրա հարձակման համար, ինչպես հայտնել ենք, մեղադրանք է առաջադրվել եղբայրներ Հրաչ ու Սարգիս Գալստյաններին:
«Ազատություն»-ն է գրում և նշում, որ Պռոշյան գյուղում գտնվող նրանց տանը ականատես են եղել սարսափելի պայմանների: Ըստ աղբյուրի՝ դեպքից կարճ ժամանակ առաջ եղբայրներից մեկը մյուս եղբորն է դանակահարել, մայրն էլ նրանց հարվածել մոխրամանով: Մայրը նաև պատմել է՝ ինչպես է տարիներ առաջ խրատական նպատակներով դանակահարել 3-ամյա որդուն ու ազատազրկվել:
Այս սարսափելի պայմաններում այժմ մեծանում են նաև երկու անչափահաս երեխաներ՝ տղա և աղջիկ: Հարևանների հավաստմամբ՝ մայրն ամեն օր աղբավայր է գնում խմած, ետ գալիս հարբած:
Պատկան մարմիններն այժմ քննում են ընտանիքի մյուս երեխաներին հատուկ խնամքի կենտրոններում տեղավորելու հարցը:
Դիտեք նաև՝