«5-րդ ալիք»-ի սեփականատեր Արմեն Թավադյանը դատի է տվել Խոսքի ազատության պաշտպանության կոմիտեի նախագահ Աշոտ Մելիքյանին։
Այս մասին տեղեկանում ենք Դատական տեղեկատվական համակարգից։
Թավադյանը պահանջում է զրպարտություն համարվող տեղեկությունները հերքել եւ փոխհատուցել վնասը։
Հայցը ներկայացվել է ապրիլի 1-ին եւ մակագրվել Երեւան քաղաքի ընդհանուր իրավասության դատարանի դատավոր Աննա Փիլոսյանին։
Թավադյանի ներկայացուցիչ Հովհաննես Խուդոյանը «Հայկական ժամանակ»-ի հետ զրույցում ասել է, որ հայցի պատճառը 2020 թվականի մարտի 4-ին «Ինֆորմացիայի ազատության կենտրոնում» Բրիտանիայի դեսպանատան կազմակերպած «Իրական սեփականատերերի հրապարակայնությունը մեդիաոլորտում» թեմայով քննարկման ժամանակ Աշոտ Մելիքյանի հայտարարությունն է այն մասին, թե Արմեն Թավադյանը ցուցարարներին կաշառք է բաժանել. «Խնդրել ենք դատարանին պարտավորեցնել հերքել այս տեղեկությունը որպես զրպարտություն»։
Հարցին, թե որքան փոխհատուցում են պահանջել, փաստաբանը պատասխանել է.
«2 միլիոն դրամի չափով»։
Ամբողջական նյութը` սկզբնաղբյուր կայքում