Արդեն տեղեկացրել ենք, որ ԱԱԾ-ն բացահայտել է ՀՀ անվտանգության շահերին վնաս հասցնող կեղծ լուրեր հրապարակող և տարածող օգտատեր։
Մասնավորապես նշվում է, որ «Դիանա Հարությունյան» ֆեյսբուքյան էջում տեղեկատվություն էր հրապարակվել, որ իբր ՀՀ վարչապետ Նիկոլ Փաշինյանը շնորհավորել է ԱՄՆ նախագահին՝ Իրանի բարձրաստիճան զինվորականի նկատմամբ կատարված գործողության կապակցությամբ։ Այս կեղծ լուրը տարածում էր ստացել նաև ադրբեջանական և իրանական ԶԼՄ-ներում։
Այս առիթով վարչապետ Նիկոլ Փաշինյանը գրել է՝ ԱԱԾ-ն օպերատիվ բացահայտեց սադրանքի հեղինակին եւ պարզեց նրա քաղաքական կապերը:
Համացանցում տեղեկություններ են տարածվում, որ «Դիանա Հարությունյան» ֆեյսբուքյան կեղծ էջը վարողը նախկին իշխանությունների աջակից է։