Երևանի ավագանու ընտրություններին 1290 հարցվածներից մասնակցելու պատրաստակամություն է հայտնել 45, 5 տոկոսը, 37 տոկոսը չի գնա ընտրության, իսկ 9 տոկոսը դեռ չի կողմնորոշվել: Այս մասին այսօրվա ասուլիսին հայտնել է «Սոցիոմետր» վերլուծական կենտրոնի տնօրեն Ահարոն Ադիբեկյանը:
Ըստ նրա` եթե ընդդիմադիր կուսակցությունները հանդես գային միասնական դաշինքով, Երևանի ավագանու ընտրությանը շուրջ 55 տոկոս քվե կապահովեին:
«Ըստ հարցումների` 70 տոկոսը գտնում է, որ գործող քաղաքապետ Տարոն Մարգարյանը համապատասխանում է ընտրացուցակի առաջին համարին: Մեր հարցումներով 24,5 տոկոսը կընտրի Տարոն Մարգարյանին, Վարդան Օսկանյանին ու Մարտիրոսյանի` 2, 5 տոկոսը, 1-ական տոկոս Երիցյանին ու Ռուստամյանին կընտրի, իսկ Վահագն Խաչատրյանին 1 տոկոսից ցածր կտան»,- նշել է սոցիոլոգը:
