ԱԺ արտահերթ ընտրություներում «Սասնա ծռեր» կուսակցության համապետական ցուցակը կգլխավորի կուսակցության համահիմնադիր Վարուժան Ավետիսյանը, իսկ քաղաքագետ Ստեփան Գրիգորյանը կլինի ցուցակի երկրորդ համարը: Այս մասին այսօր՝ նոյեմբերի 13-ին, լրագրողների հետ հանդիպմանն ասաց «Սասնա ծռեր» կուսակցության ներկայացուցիչ Ժիրայր Սեֆիլյանը:
«Ես «Սասնա ծռերի» հետ եմ, քանի որ իրենք ազնիվ են, հայրենասեր և սկզբունքային: Ինձ համար կարևոր է «Սասնա ծռերի», դեռեւս հուլիսին արված այն հայտարարությունը, որ իրենք հրաժարվում են քաղաքական հարցերը բռնությամբ լուծելու տարբերակից»,- ասաց Ստեփան Գրիգորյանը:
Գրիգորյանի նշեց, որ այն կարծիքին է, որ Հայաստանը պետք է խորացնի հարաբերությունները Արևմուտքի, հատկապես՝ Եվրամիության հետ:
Գրիգորյանը համոզմունք հայտնեց, որ արտահերթ խորհրդարանական ընտրությունների արդյունքում խորհրդարան կանցնեն ՔՊ-ն և «Սասնա ծռերը»:
