1. Կենսաէներգետիկա գիտությունը խորհուրդ չի տալիս առավոտյան վազել. Լավագույն տարբերակը երեկոյան 20-ից 22-ն ընկած ժամանակահատվածն է և ընթրիքից մեկ ժամ անց:
2. Ասֆալտի վրա վազելը: Ասֆալտը գրեթե չի անդրադարձնում գետնից ոտքի պոկվելու ժամանակ առաջացող հրումները, ինչը կարող է վտանգավոր լինել ոտնաթաթի, ծնկային և կոնք-ազդրային հոդերի համար: Ավելի լավ է վազել խոտածածկի վրա:
3. Ավտոմոբիլային ճանապարհների երկայնքով վազելը: Վազելու ընթացքում լավանում է շնչառությունը և արագանում է նյութափոխանակությունը: Իսկ մեքենաների ծուխն ու կեղտոտ օդը ամենևին օգտակար չեն օրգանիզմի համար. դրանք, "փոշեկուլի էֆեկտի" օրենքին համաձայն, մտնում են օրգանիզմ:
4. Մաքուր բամբակ հագնելը: Չարժե սպորտային համազգեստը մաքուր բամբակից գնել, քանի որ այն շատ արագ է ներծծում քրտինքը, կպչում է մաշկին և թույլ չի տալիս, որ այն հանգիստ շնչի: Նախընտրելի է, որ բամբակից բացի կտորի բաղադրության մեջ նաև լինի լայկրա, պոլիէստեր, էլաստին կամ նեյրոն:
5. Ոտաբոբիկ մարզվելը: Ոտաբոբիկ կամ միայն գուլպաներով կամ նույնիսկ չափազանց տափակ տակացուով սպորտային կոշիկներով մարզվել նշանակում է ավելացնել ողնաշարի ծանրաբեռնվածությունը: Սա հատկապես վտանգավոր է հոդերի հետ խնդիրներ ունեցող մարդկանց համար:
6. Ջուր խմել, երբ ցանկանում ես: Բոլորը գիտեն, որ մարզումների ընթացքում հարկավոր է շատ ջուր խմել, սակայն ոչ թե երբ ցանկանում ես, այլ ըստ անհրաժեշտության: Հակառակ դեպքում կարող է ջրազրկում առաջանալ: Մասնագետները խորհուրդ են տալիս ամեն 20 րոպեն մեկ երեք-չորս կում ջուր խմել:
7. Հակաքրտինքային միջոցների օգտագործումը: Մարզումների ընթացում մարդը չափազանց շատ է քրտնում, արդյունքում օրգանիզմը բնական ճանապարհով ազատվում է շլակներից (թափոնային նյութեր): Իսկ հակաքրտինքային միջոցներն ակտիվորեն խոչընդոտում են դրան:
8. Ականջակալներով երաժշտություն լսելը: Գիտնականների կարծիքով՝ ֆիզիկական ծանրաբեռնվածությունը բարձր երաժշտությամբ համադրելը ի վերջո հանգեցնելու է լսողության վատթարացման: Այդ պատճառով խորհուրդ է տրվում երաժշտություն կամ չլսել, կամ շատ ցածր լսել:
9. Շեղվելը: Եթե ուղեղը մի ինչ-որ այլ բանի վրա է շեղվում (օրինակ՝ հեռուստացույց կամ զրույցներ), այն դադարում է հետևել մկանների աշխատանքին, և մարզումների արդյունավետությունն ընկնում է: Այդ պատճառով մարզումների ժամանակ չափազանց կարևոր է հետևել ամեն մի շարժմանը և "մարմնի հետ հոգեբանական շփման մեջ մտնել":
10. Հոգնած վիճակում մարզվելը: Եթե գիշերը լավ չեք քնել կամ թույլ եք ձեզ զգում, ապա ֆիզիկական ծանրաբեռնվածությունն ամենևին էլ դրական արդյունքներ չի տա: Առավելագույնը, որ կարել է ստանալ, սթրեսի հորմոններ արտադրելն է:
