Ծխախոտ արտադրող ընկերություններից մեկը հրաժարվել էր գումար փոխանցել «Սիթի օֆ Սմայլ» հիմնադրամին․ «Ազատության» ֆեյսբուքյան ասուլիսին մամուլի այս լուրը հիշեցնելով՝ լրագրողը հարց ուղղեց Արսեն Թորոսյանին, թե որքանով է ճիշտ, որ քաղկեցին նպաստող ծխախոտ արտադրողը վճարի քաղցկեղով հիվանդների բուժման համար։
«Եթե կարճ ասեմ, ես դա համարում եմ անթույլատրելի»,- ասաց Թորոսյանը, լրագրողի դիտարկմանը, թե դա ներկայացվում է որպես սոցիալական պատասխանատվության հարց, նախարարը արձագանքեց․ «Գողից գողոնի մի մասի վերադարձ ակնկալելն էլ կարելի ա սոցիալական պատասխանատվության համատեքստում նայել»։
Արսեն Թորոսյանը նշել է, որ համաշխարհային շատ մեծ հակաքաղկցկեղային միությունները նշում են, որ որևէ կերպ չի կարելի համագործակցել ծխախոտային ինդուստրիայի հետ և ակնկալել որևէ գումար, որպեսզի չբարձրացվի դրանց դրական վարկանիշը.
«Առողջապահության համաշխարհային կազմակերպությունը հատուկ հայտարարություն է ուղարկել երկրի ղեկավարներին, այդ թվում՝ նաև մեր երկրի, որով կոչ է արել չհամագործակցել որևէ ծխախոտային ինդուստրիայի ֆինանսական ծրագրերին»:
