ՆյուզՊրեսս․am-ը գրում է․ «Այն, որ Նիկոլ Փաշինյանի տիկին Աննա Հակոբյանը թուրքերի նկատմամբ հատուկ համակրանք ու սեր ունի, արդեն մեկ անգամ չէ, որ խոսվել է։ Գուցե դա է պատճառը, որ թուրքական ծագում ունեցողները շատ արագ գտնում են նրան, համախմբվում շուրջը և իրենց «պատվավոր հորիզոնականը» զբաղեցնում տիկնոջ կյանքում ու նրա գործունեության մեջ։
Աննա Հակոբյանի ղեկավարած «Իմ Քայլը» հիմնադրամում այդպիսի մեկը դարձել է նրա աջ թևն ու հենարանը։
Խոսքը հիմնադրամի ծրագրերի և արտաքին կապերի գծով փոխտնօրեն Թալին Թօփալաքեանի մասին է, ում կենսագրությունից որոշ մանրամասներ են հայտնի դարձել։
Այս տիկնոջ կենսագրականը հազիվ թե որևէ մեկին հասանելի լինի, սակայն մեզ հայտնի է դարձել, որ Թալին Թօփալաքեանը թուրքական ծագում ունի։
Թալին Թօփալաքեանը շատերին հայտնի դարձավ Աննա Հակոբյանի տեղադրած մի տեսանյութից հետո, որտեղ Հակոբյանն ու նրա օգնականն, աղավաղելով ու ոչնչացնելով մեղեդին, փորձում էին երգել (Աստված մեղք չհամարի երգել բառի համար) «Երևան դարձած իմ Էրեբունի» երգը:
Մեր տեղեկություններով, Թալին Թօփալաքեանի հայրն ազգությամբ թուրք է՝ Անուառ Ադոլֆ Թուրքմեն անունով։ Նրան մտերիմները կարճ ասում են Ռիլլի։ Նա արմատներով Թուրքիայից է, սակայն հետագայում ընտանիք է կազմել հայուհի Նելսոնյանի հետ։
Այս միության արդյունքում էլ ծնվել են Թալինը և նրա եղբայրը՝ Թոնի Թուրքմենը։
Մեր աղբյուրի փոխանցմամբ` Թոնի Թուրքմենը ևս Հայաստանում է։ Հավանաբար, քույրն իր թուրք եղբորը Հայաստանում «ապագա» է խոստացել։
Թե ինչպես եղավ, որ Թալին Թուրքմենը հայի ազգանուն ձեռք բերեց, դա էլ իր պատմությունն ունի։
Մեր տեղեկություններով` Հալեպում բնակություն հաստատած թուրք Ռիլլի ընտանիքի դուստր Թալինն ամուսնանում է հայազգի տղամարդու հետ, վերցնում նրա ազգանունը։ Այս միության արդյունքում ծնվում են երեխաներ։ Մեր հավաստի աղբյուրների տեղեկացմամբ, արդեն 3 տարի Թօփալաքեանն ամուսնալուծված է և ապրում է Հայաստանում, թեև ֆեյսբուքյան էջում նրա կարգավիճակը նշված է որպես ամուսնացած»։
Շարունակությունը՝ սկզբնաղբյուր կայքում։
Asekose.am-ը պատրաստ է ներկայացնել նաև Թալին Թօփալաքեանի տեսակետը, պարզաբանումը կամ հերքումը։
