Արարատի մարզի Հովտաշատ գյուղում 6 տասնյակից ավելի բնակիչներ հարձակվել են «Կենտրոն» հեռուստաընկերության լրագրողի և օպերատորի վրա։
Այս մասին ֆեյսբուքյան իր էջում գրառում է կատարել հեռուստաընկերության լրատվական բաժնի ղեկավար Վարդուհի Մելտոնյանը։
Նրա գրառումը ներկայացնում ենք ստորև․
«Այսօր՝ օրը ցերեկով, բոլորի աչքի առաջ,Արարատի մարզի Հովտաշատ գյուղի 6 տասնյակից ավելի բնակիչներ, որոնք ավելի շատ ցածրորակ ֆիլմերի երկրորդական պլանի չստացված հերոսակախմբի դերակատարներ են հիշեցնում, իրենց իրավունք են վերապահել 60 հոգով հարձակվել «Կենտրոն» հեռուստաընկերության «Էպիկենտրոն» լրատվական ծրագրի երկարամյա լրագրող Արթուր Հակոբյանի և նույն լրատվամիջոցը ներկայացնող օպերատորի վրա:
Եվ չստացված ֆիլմի ժանրի բոլոր կանոններին համաձայն՝ այդ ամենն ուղղորդվել է իսկակական «հերոսակախմբին» վայել ոչ թավշյա՝ բռնի ուժով, թունդ հահոհոյանքներով համեմված լեքսիկոնով, «քուչի տղուն» վայել գռեհակաբանությամբ և սպառնալիքների հորդառատ տեղատարափով: Արդյունքում՝ «հրոսակախմբին» հաջողվել է իրականացնել ինչ-ինչ շրջանակներից ստացված պատվերը, այն է՝ տարածքից չեզքոցանել իրենց «հերոսություններն» անմահացնող նկարահանող խմբին, իսկ ավելի քաղաքակիրթ լեզվով ասած՝ խոչընդոտել լրագրողի մասնագիտական գործունեությունը: Եվ ամենեևին էլ կարևոր չէ, թե ի՞նչ գնով: Հարգելի՛ քաղաքացիներ՝ սա նոր Հայաստանում արձանագրված հերթական դեպքն է, երբ ինչ-ինչ անձինք, տուրք տալուվ իրենց կամ իրենց պատվիրատուի սեփական ամբիցիաներին, թիրախավորում են լրատվամիջոցին՝ փորձելով ոչ միայն սևացնել նրանց բարի համբավը, այլև կասկածի տակ դնել լրագրողի և լրատվամիջոցի պաշտպանված լինելու՝ օրենսդրությամբ ամրագրված իրավունքը:
Ի՞նչ է սա, եթե ոչ ամենաթողություն, կամ ամենթողության վառ դրսևորում: Հովտաշենցիները, ինչպես հասկացանք, պայծառ երևակայություն ունեն…Նոր Հայաստանում, ինչպես Սիցիլիայում, ինչ կա՞ որ…իրենք էլ, երևի ,սիցիլիական մաֆիայի «կարկառուն՛ ներկայացուցիչներ են…
Իսկ ավելի լուրջ, այս ամենն արդեն վաղուց ծիծաղելի չէ…Ամենաթողությամբ վարակված յուրաքանչյուր ոք պետք է գիտակցի՝ այդ հիվանդությունը կարող է կործանարար լինել ոչ միայն հենց իրենց՝ այդ հիվանդության վիրուսակիրների, այլև հասարակության առողջ հատվածի համար: Հույս ունեմ՝ բոլոր մեղավորները պատասխան կտան օրենքի առաջ»:
Նշենք, որ լուրի արձագանքել է Արարատի մարզպետն ու հետևյալ գրառումն է կատարել.
Փաստորեն, «օդից կախված» լուրեր տարածելու մեծ շնորհ ունեն նաև որոշ հասարակական կազմակերպություններ:
«Մեդիա պաշտպան» նախաձեռնության այն հրապարակումը, որ «Հովտաշատ համայնքում 10-ից ավելի տղամարդիկ հարձակվել են «Կենտրոն» հեռուստաընկերության օպերատորի վրա ու դրա հիմքում կանգնած է Արարատի մարզպետ Գարիկ Սարգսյանը», հերթական սուտ ու իմ անունը արատավորող տեղեկությունն է, որը, իրար հերթ չտալով, տարածում են որոշ լրատվամիջոցներ:
Եվս մեկ անգամ կոչ եմ անում բոլոր լրատվամիջոցներին, այժմ նաև ՀԿ-ներին՝ օդից իրենց հաճելի, բայց իրականության հետ որևէ աղերս չունեցող ինֆորմացիաներ չորսալ և չտարածել: Հավատացե՛ք, հասարակությունն արդեն հոգնել է ձեր «անողնաշար» ստերից:
