Մեր օրերում քթի վիրահատությունները բավականի տարածված են և մեծ պահանջարկ ունեն Հայաստանում ինչպես կանանց, այնպես էլ տղամարդկանց շրջանում: Բացի էսթետիկ շտկումներից, որոնց շնորհիվ մարդիկ իրենց ավելի ինքնավստահ ու գեղեցիկ են զգում, նման վիրահատությունների շնորհիվ լուծվում են շնչառական մի շարք խնդիրներ, որոնք կարող են առողջությանը լուրջ վնասներ հասցնել: Այս առումով ամենակարևորը, միանշանակ, ճիշտ մասնագետի ընտրությունն է, ով ոչ միայն իր գործի գիտակն է, այլև սրտացավ ու հոգատար իր հիվանդների հանդեպ:
«Արթմեդ» բժշկական վերականգնողական կենտրոնի բուժական գծով փոխտնօրեն, քիթ-կոկորդ-ականջի մասնագետ Արայիկ Ղարիբյանը այս առումով, թերևս, ամենապահանջված բժիշկներից է, լավագույններից է իր ոլորտում և ունի երկար տարիների աշխատանքային փորձ:
Արցախյան շարժման մասնակից Արայիկ Ղարիբյանը բժշկական գիտությունների թեկնածու է, մասնակցել է միջազգային կոնֆերանսների Ստամբուլում և Երևանում, վերապատրաստվել է մի շարք եվրոպական երկրներում՝ Գերմանիա, Ավստրիա:
Ունի բազմաթիվ պարգևատրումներ ու շնորհակալագրեր՝ Պաշտպանության նախարարության կողմից, իսկ 2006թ. պարգևատրվել է «Անբասիր ծառայության համար» I աստիճանի մեդալով:
Սա բժիշկ Արայիկ Ղարիբյանի մասնագիտական գործունեության մի փոքրիկ մասն է միայն, իսկ ինչ վերաբերում է նրա մարդկային հատկանիշներին, ապա պետք է ընդամենը մեկ անգամ շփվել նրա հետ՝ հասկանալու համար, որ նա այս առումով ևս լավագույն բժիշկներից է: Հենց առաջին իսկ կոնսուլտացիայի ժամանակ նա իր հիվանդին ոչ միայն ամեն ինչ մանրամասն բացատրում է վիրահատության ընթացքի և հետագա վերականգնողական փուլի մասին, այլև վստահություն է ներշնչում նրան՝ տալով այն գիտակցությունը, որ վիրահատությունից հետո նա իրեն թե ֆիզիկապես, թե արտաքնապես կատարյալ է զգալու:
Արայիկ Ղարիբյանը, ով անմնացորդ նվիրված է իր գործին, իր յուրաքանչյուր հիվանդին անհատական մոտեցում է ցուցաբերում՝ դրա շնորհիվ վայելելով նրանց վստահությունն ու հարգանքը: Նման բժշկի հիվանդ լինելն արդեն իսկ ապահովության զգացում է տալիս, քանի որ նրա մասնագիտական ու մարդկային որակները վկայում են, որ ամեն իչ լավ ավարտ է ունենալու:
Վիրահատության ժամանակ, ամենակարևորը, թերևս, պրոֆեսիոնալ անեսթեզիոլոգի ներկայությունն է վիրահատարանում: Կարեն Գրիգորյանը «Արթմեդ» բժշկական վերականգնողական կենտրոնի լավագույն անեսթեզիոլոգներից է: Վերջինս աչքի է ընկնում բոլորի նկատմամբ անսահման հոգատարությամբ, իր ներկայությամբ արդեն իսկ հանգստություն ու վստահություն է ներշնչում, որ ամեն ինչ լավ է լինելու: Նրա գործն ավելի քան արժանի է մեծ գնահատանքի և շնորհակալության:
Մեծ շնորհակալություն այս բժիշկներին՝ իրենց կատարած անմնացորդ աշխատանքի համար:
