|
Արցախցիների իրավունքների պաշտպանության խորհրդի անդամները ակցիայի ժամանակ հայտնեցին, որ ՀՀ Կառավարությանը իրենց կողմից ներկայացված 12 կետանոց պահանջագրից 11-ն ընդհանրապես փոփոխության չի ենթարկել։
Նրանք ներկայացրեցին խորհրդի հրատապ-պահանջագիրը՝ պահանջելով անվերապահ կերպով վերականգնել բնակվարձը բոլոր տեղահանված արցախցիների համար՝ մինչև բնակարանով պատշաճ ապահովելը։ Տրամադրել լրացուցիչ աջակցություն խոցելի ընտանիքներին, ինչպես նաև մեծացնել աջակցությունը տուն կառուցելու բաղադրիչի համար։
Նշենք, որ արցախցիների խումբը այնուամենայնիվ ընդունելով Կառավարության ներկայացուցչի առաջարկը, մտավ կառավարության շենք, որտեղ նրանց հանդիպում է սպասում ՀՀ փոխվարչապետ Տիգրան Խաչատրյանի գրասենյակում։ Խմբի կազմում է նաև Արցախի ՄԻՊ Գեղամ Ստեփանյանը։
***
|
«Էս բողոքի ակցիաները շարունակվելու են այնքան մինչև մեր հարցերի պատասխանները չստանանք»,- Կառավարության շենքի դիմաց ի պաշտպանություն արցախցիների իրավունքների կազմակերպված բողոքի ակցիայի ժամանակ լրագրողների հետ զրույցում ասաց «Վերածնվող Արցախ» շարժման ղեկավար Անաստաս Իսրայելյանը․ «Կառավարությունը պետք է լուրջ դիրքորոշում հայտնի, որ այս տեղահանված, ցեղասպանությունից փրկված ժողովրդին պետք է տեր կնագնի։ Էս ժողովուրդը պահանջում է անել ամեն ինչ, որ ապրի մայր Հայաստանում՝ հաշվի չառնելով այն հանգամանքը, որ իրենց մեղքով են հասել այս վիճակի։ Էս երկու տարվա մեջ իրո՞ք չեն տիրապետում իրավիճակին։ Գոնե մեղմացրեք ձեր մեղքերը, էս մարդկանց տեր կանգնեք»,- ասում է Իսրայելյանը՝ նշելով, որ բնակապահովման ծրագրում իրենց պահանջած փոփոխությունները չեն կատարվել։
|
***
|
|
Կառավարության շենքի դիմաց բողոքի ակցիա իրականացնող արցախցիներիբ Վարչապետի աշխատակազմից Հայկ Սիմոնյանը առաջարկեց փոքրիկ խմբով հանդիպում կազմակերպել փոխվարչապետ Տիգրան Խաչատրյանի գրասենյակում, լսել նրանց հարցերը։ Նա հրաժարվեց հանրային կերպով պատասխանել ակցիայի մասնակիցների հարցերին։
«Մենք դեմ ենք առաջարկին, թող իջնեն լրագրողների ներկայությամբ պատասխանեն մեր հարցերին»,- հայտնեց Արցախի ՄԻՊ Գեղամ Ստեփանյանը․ «Մեր պահանջն այն է, որ մինչև տվյալ ընտանիքի մշտական բնակության հարցը չլուծվի նրանք շարունակեն ստանալ սոցիալական աջակցությունը։ Լավ, ասենք երկու ամսով երկարացրեցին, երկու ամսից նորից գանք ստեղ կանգնե՞նք, խեղկատակություն չի՞»,- ասում է Ստեփանյանը՝ շեշտելով, որ բոլոր քննարկումներին գնացել են, սակայն իրենց այդպես էլ չեն հասկանում և խնդիրներին լուծում չի տրվում։
|
